你不用討厭政治，政治又與你何關
就算在有民主的世界，很多政治遊戲還是由不到你來理會，何況在香港？這個腐敗沒有良心沒有基本常識的地方，大家都要愛中國的時候，割什麼地又有什麼關係？因為這就是本身預定要上演的了，你一日在這個制度內，你還只能夠繼續忍受，忍得幾耐我唔知，但我幾相信香港人真係好捱得好好忍的，捱到死果日都應該仲忍到，獅子山精神嘛。
在FACEBOOK 看到那些「好嬲」之類的status，我已經覺得是好笑的程度，喂，呢D 荒謬事發生左好多年啦，你地嬲呀失望呀離哂譜都講左咁多年啦，同那些泛民繼續話會繼續抗爭之類的，基本上不就是重覆又重覆，係Deja Vu，好唔好咁煩氣？一日呢個政府存在，一日呢個機制仍在，一日大陸仲存在，香港就只會慢慢下沉架啦，你睇無綫劇又或是荷里活戲都成日估到劇情啦，點解偏偏呢D 咁簡單的事你又要一次又一次估佢唔到又要講到係「香港最黑暗的一天」之類的說話？黑左咁多日啦，不如認真睜大你對眼啦。
我已經嬲到冇乜可以再嬲的程度，因為我嬲的已經唔係個政府，同一班人渣垃圾妖魔嬲，係SIDE氣的。嬲的，只係香港人本身。
當外國民主社會如英國，連明人好似Russell Brand 最近提倡不提票，認為政治無意思，而Morrissey新碟亦打正旗號同你講「World peace is none of your business」，而香港仍然在無希望下爭取乜野中國認可的民主，難怪香港所有野都冇進步落後左幾十萬年。又難怪極右的英國UKip走populist 路線，而家唱著要増加公投次數會咁受低下市民歡迎⋯⋯不過，講返Morrissey，佢當然仍然是主張Anarchy吧，當中唱警察濫權之類的已經是老調重談，最新的還是當中「不投票」的主意，everytime you vote you support the process，就是咯，有民主都這麼無力無奈，冇民主的香港人，真係活在地獄。
由Morrissey 推出其Autobiography 後，我的日子就很The Smiths，很Morrissey。新碟【World peace is none of your business】看來至少是【You are the Quarry】後的最佳作，我就覺得應該會是比起這張更出色，因為四支曝光singles 都已經覺得Morrissey 再上力，而且他的情緒應該比起Quarry時期更黑暗更深忱，《Bullfighter dies》是Morrissey 一貫的黑色幽默爽勁短打，與The Smiths的《Panic》是同系，唱著「Hurray Hurray The bullfighter dies, and no body cries, because we all want the bull to survive 」，實在是很簡單直接。
另一首《Earth is the Loneliest Planet on Earth》，則似是三十年後回應所有The Smiths 時期的傷感主題，包括How Soon is Now，Please Please Please let me get what I want 等人生如地底泥的作品，日復日他們說「始終一天⋯」，但你在錯的地方，你有一張錯的臉，而人類其實不是十分人道，地球是最寂寞的地方；永遠有一些理由令你被拒絕，而他們總責備「是你的錯」，地球是最殘酷的地方，殘酷得我們不明白，但卻沒有人能夠做任何事。
只能夠怪，我們生在錯的地方，或者，生成中國，唔係，北韓人就最快樂啦。