December 20, 2010 挪文 - 遊文

臨近聖誕，在奧斯陸學生村裏頭流露的非是節日氣氛，而是一貫假日前夕的死寂。International Students都不急急忙忙回家過聖誕，本地學生則走得晚一點，通常在二十日左右才回家。剩下的，就只有好似本人的外國學生留在Oslo過聖誕了。

一到冬天雪地處處，你說白色聖誕氣氛特別好嗎，我又不太覺得，是這樣嗎，可能聖誕從來對小弟來說是一個hustle多於真正重要的節日，雖然你問我邊個節日重要我都可能答唔出，咦，都唔係，可能農曆新年真係比較重要啦。當然，同香港一樣，聖誕都係一個商家活動，各式各樣的東東都會推出聖誕版本促銷，汽水啤洒你講得出的東西都有聖誕版本。

至於我呢Ｄ死守學生村的學生，一直睇住鄰居搬出搬入的興替，呢個學期來了加拿大女生安娜終於是一個正常又愛交際的女生，佢來時大家開了個Party，佢走時我們亦來個Party送佢返屋企。Party沒甚特別，來不開飲洒播音樂。不過安娜未走之前，已來了另一個法國黑人女生瑪嘉烈，亦似是一個好人。同層挪威人口無禁忌喜歡玩弄歧視爛gag，昨天便來了個十分長加認真加十分不適合Party場合的討論，甚麼nigger冒犯定不冒犯，我覺得對我來說是having a laugh，只要知道甚麼場合說什麼笑話，其實甚麼玩笑也可以了。

當然，派對提早收工係因為有一Ｄ住在學生宿舍的學生竟然十二點就投訴我地太嘈，真係冇得頂。同層一向火爆愛挑掦的基督徒當然嬲到震，話基本上星期六開ＰＡＲＴＹ嘈係人之常情，你唔好覺得自己睡眠緊要去殺人地十幾廿人的快樂，人人都會容忍星期六的噪音，只要諗諗他日當你開party 時人地都係咁忍你就得。我諗，其實呢個mentality其實好係反映到挪威人的一些公平想法，沒有文明規定，但公道自在人心果隻，是社會下私底下的約定俗成。確實，學生哥星期六十二點走去投訴人的Killjoy，理應係要揪出去毆打的。

派對過後通常都會特別累，唔係因為玩得累，而係夜訓後睡眠一定有影響，四五點訓依然七八點起身，今日如是，整日都呆呆滯滯不淸醒。好，歐洲風雪繼續，只希望一月五日時雪已停，可以順利去到Edinburgh吧。