楊千嬅明日不再會

我聽廣東歌有時都想問,係唔係要搵一個好的melody 咁難?聽楊千嬅最新單曲《明日再會》,我便體會到可能響香港搵一個好melody 都好難,k而平庸,更有兀突位,加上林若寧的歌詞,呢首歌咁都選擇派台,即係証明新碟會有幾咁精彩。

坦白講,林若寧的歌詞真是從來都不得我心,盡是別人的牙慧已經是大問題,最大問題從來他交出的都不是什麼高質素的作品,看《明日再會》的歌詞,好慨嘆,填得這麼差,明白他的用意想串連楊千嬅一直歌詞的內容而寫,題材還可,可是填得不好就是不好,簡單講真係睇到O咀,單係首句「為何並沒淚光哭了 懷念你偶爾都眼眉調」已經睇到眼眉調,平時楊千嬅歌詞的可讀性都冇埋,是收皮之日。記得林夕曾暗示林若寧這「新晉」詞人質素很高,可以接棒,喂呀大佬,唔知林夕是否與林若寧私交甚篤所以蒙蔽了眼睛,如果未來歌壇的詞他變了林夕不斷填的話,香港的樂壇真係更加冇藥醫(雖則,現在已不遠矣,這先係點解而家廣東歌咁悶o既原因囉)。于

于逸堯呢,作監製之位,坦白講,詞與曲都咁差的情況下,編曲的刻意去減化k歌糖衣感覺與令楊千嬅唱得內歛一點,已合格了,總不能化垃圾為珍寶,講真,呢首歌副歌位更似足上張碟的《陌路》,但好似《陌路》仲好聽 喎,不知揀一首咁有taste的歌,是楊千嬅自己揀定係黎明揀呢,我唔知啦。

仲有,坦白講,當呢一刻大家都仲對楊千嬅有些少希望係話︰「哎呀,千嬅同人山人海合作返就會好聽返架啦」呢d諗法時,當人山人海同楊千嬅合作的單曲都淡然無光時,那便是真的可以對楊千嬅say bye bye 之時,希望她不想唱便轉行收山,認真的。

明日再會 – 楊千嬅

明日再會

主唱:楊千嬅
作曲:龍世樑
填詞:林若寧
編曲:Adrian Chan
監製:于逸堯

歌詞

為何並沒淚光哭了 懷念你偶爾都眼眉調
沒有開不開心平靜的深宵 才靜聽到我也有心跳
純真 人人只經過一次 無奈到我發覺便到此

和你那天於單車貼著背 回頭一剎慨嘆愛路太迂迴
誰離去 誰人接力挽手都被支配
尋幸福的少女 明日已無力再回

誰記得共你當初那樣匹配 純良的愛往往最後也碰灰
多一個 得一個扮作滿足 都學會 明日那樣當我去後悔

明明寂寞亦都歡笑 忘掉你當作心理治療
遇上幾多的他隨著煙花燒 其實那個對我最緊要

還妄想坐於單車貼著背 原來早已錯過了沒法再追
不知道 誰微笑或痛哭怎樣分配
尋幸福的少女 從前幻想都變灰

還妄想遇上身邊對象匹配 尋求所愛 變作了誰人前輩
識一個 貪一個就當最佳的絕配
留待有二百歲至後悔

來日幼稚少女 雲上再會


29 Responses to “楊千嬅明日不再會”

  1. sonus_cat

    林若寧 => 除了《月球上的人》,that’s all…….
    龍世樑 => 有如把蔣雅文, 容祖兒大碟那些非主打歌曲
    推給千嬅去做主打,死得啦!

    所以我未當這首是人山人海同楊千嬅合作的作品

    東亞近來都害了我們的耳朵……

    王菀之爆首 認命 驚嚇歌曲
    AT17 爆張 over the rainbow
    千嬅連爆2張嚇人唱片

    很驚下一個受害者是HOCC…….

  2. 陳大文

    家貓,對呀,藍奕邦都加入了東亞,
    又話會玩一張大碟分拆三張上市
    我聽左兩首主打都覺得悶氣迫人,
    但好彩詞都力保不失

    David, 好呀
    你呢
    FYP 如何

  3. 聞到有臭味走入來

    收皮應該是你這種自以為是的垃圾blog和所謂”blogger”吧
    在search engine裡竟然找到你這種垃圾blog, 在這裡留個言算是在垃圾房門口簽個名咁囉

  4. 路過

    你篇野其實我一路睇都覺得幾岩
    但係最後整句”希望她不想唱便轉行收山,認真的。”
    真係o哂咀
    佢想唔想唱 同ling唔ling到一首好歌係兩件事
    好多野佢都冇得揀ga la
    你以為佢係老細?

  5. 我不是Miriam’s Fan, 我love Chinese Pop, but i think 明日再會 is NOT THAT bad as what you said~
    i love the melody, kinda令人有舒服感觉,有时太complicated 的melody, 反而令人有种吃不消feeling~
    每个composer or lyricist也有成长阶段,encourage下吧!!

  6. 咁落去,楊千嬅的累積得分真係不知道可以撐幾耐,過去再好,也只是在過去,現在咁既款…點搞?累積左幾多得分都好,總有用完或者係expire的一日。

  7. 你好賤!

    我話你d blog就真係賤喇..
    你佢曲甘好..
    點解你唔去作!
    坐係到話人就勁!
    做就冇吉士…
    就算歌有幾唔好..你洗唔洗罵到人地貼地呀
    “收皮之日” 呢d野都講得出就知你冇品…
    評歌唔係唔比你評!
    洗唔洗感先!?…
    你感樣..知唔知人地會好hert

    你好黑人憎!!!

  8. 雖然我不太認同博主某些用語,
    亦認同各人有各人的觀點與角度,
    只是其實觀眾也不用太勞氣,
    正如謝安琪的「入型入格」裡說:
    十二金釵與貝多芬 魚翅和魚蛋粉 各有擁蠆愛惡始終由人
    哪個高級哪個草根 誰有權來區分 各有各價值不會太統一
    喜歡的便去看去聽,
    喜歡的歌可以去聽,
    不喜歡的網誌也可以不去看,
    毋須動乾戈,
    畢竟喜歡千嬅的不會因為博主的批評而動搖,
    不喜歡她的自然會繼續討厭她,
    至於無喜惡之分的,
    有天終會自我判斷。
    凡事總有因由。

  9. 咁唔鍾意d歌詞你又post出嚟,影響你個blog就唔好啦!其實我覺千嬅唱得幾好,幾有個人風格把聲,你試想呢首歌比第個女歌手唱情況更不妙!

  10. 其實我諗「收皮之日」應該唔係話千嬅嘅

    不過我覺得去到「希望她不想唱便轉行收山,認真的。
    」就好似有d過左
    我諗佢仲好想唱ge
    奈何冇咩好歌比佢ja ma。

    但我認為 每個人都可以有自己嘅觀點
    個blog係邊個 邊個就有權寫自己想寫ge野
    唔合你心意咪唔好睇lo 冇謂睇到自己咁勞嘈la。

  11. Dorothy

    路過的

    我係千嬅粉絲十多年了

    看到你的文章,覺得網絡真是一個好自由的天地。
    能看到很多人不同的性格與口味。

    你真係好有心機打,而且對樂壇好有心。

    不過可能我先入為主啦,我覺得你講得有dd極端同過火
    但有d位我都好同意
    例如林若寧既詞
    雖然我無o咀
    但覺得佢同林夕差太遠了
    雖有畫面,不夠窩心


    千嬅果度
    我想從一個讀聲樂既人既角度去講
    我覺得佢歌聲同情感運用方面
    有好大既進步
    有d感覺,係以前無

    免除個人喜好去講
    對於一個有進步既歌手,
    我就覺得唔太想佢,收山或者收皮。

    講完了,拜拜~~~

  12. 陳大文

    Hi Dorothy ,
    多謝你的分享
    我覺得楊千嬅迷失的地方就是
    她太想人知道她唱得好了/有進步/唱得好d 歌了
    重點放錯了,我地聽楊千嬅咁多年,
    想聽的不是聽她那些音唱得多靚或是那首歌唱得多圓滑,
    她代表的不是那些東西,這亦是她在A MUSIC 這階段捉錯用神的地方,亦令佢的音樂變得從未試過的乏味

    對著這一首平庸到極點的歌曲,如果不是楊千嬅唱,
    我也懶得去寫。

  13. 其實呢首歌真係好難聽咩…=.=
    我覺得呢首歌好順︳好舒服~~

    其實依家千嬅D慢歌多以舒服、自然為主..
    已經唔係以前重味道Ge音樂啦..

    千嬅都幾慘呀~~好多野都冇得自己話事….
    如果將大慈善家、啦啦誇啦啦、化等..大家覺得乏味,難聽Ge歌比其他女歌手…(Joey,謝安琪,吳雨霏,鄭秀文…唱)
    會變得好聽好多嗎??….會由山雞變鳳皇嗎??

    其實一個歌手Ge基本要求,就係要將人地比你Ge曲詞唱好…不論你覺得怎樣”

    如果每個歌手都只為得出名|得獎而挑三挑四…
    咁樣就冇左歌手應有態度….樂壇就真係死啦;;”’

  14. 首歌坦白講唔差,係行貨左少少,但唔通你想聽番「不認不認還需認」等三等貨色嗎? 只可以講,楊千嬅心態唔同左,個款擺出黎唔再係要同邊個邊個爭個隻,呢首歌絶對唔係上等,但起碼唔師奶,呢d少女歌佢仲carry 到既…

  15. 明日再會錄音室版的編曲好悶好悶,moov live編得型好多,典型人山人海格。moov live現場見千嬅唱呢首歌唱到喊,個下係重新對首歌有了好奇,但回來再次將歌詞反覆睇左好幾次,真係零感動,文字好差,連基本表情達意都未得。

    千嬅本色仍在,但如果歌曲只有她自己才懂得感動,普遍聽眾體會唔到的話,佢來日既路會幾難行。

    re 23樓的朋友—
    大鑊啦咁就,仲要千嬅carry少女歌… 咩年紀了?之前《電光幻影》《Single》和《Unlimited》都係轉型做熟女了,即使《Meridian》的封套反常變回少女,歌路都係熟女格,作為佢既支持者,今時今日仲用「呢d少女歌佢仲carry 到既」去為失準的歌曲開脫,似乎係一併否定埋早兩年千嬅轉型的努力囉!

    btw,點解可以用「少女歌」黎name明日再會?其實明日再會正正係講千嬅已經唔再少女… 睇下moov同佢做的專訪,佢都有講。拜託,支持偶像都唔好亂咁講,唔係歌詞裡有少女就等於係首少女歌~~~

  16. 好啱呀,《電光幻影》《Single》和《Unlimited》都係千嬅求轉型做熟女的產品,但是否啱佢就另外一回事,我就唔buy…我認我係鍾意千嬅d「少女歌」,呢d歌有種格,唔係個個唱得到。當然佢應否再唱呢d歌就又係另一回事。

    明日再會聽落去係有呢種千嬅少女格,我唔會幻想到容祖兒、鄧麗欣又或者薛凱琪會去唱呢首歌,唱左都唔會係good match. 我同意明日再會首歌係次等貨色,但貨色還貨色,同首歌屬咩風格似乎無關。

    「大鑊啦咁就,仲要千嬅carry少女歌…」喂! 你唔想還唔想,首歌有無令人有咁既感覺就係另外一回事…

  17. lam yuek hei

    一個填詞人填出黎既詞唔一定可以填到每個聽既都滿意
    但我可以肯定的是 你無資格去批評一個製作人得定唔得

    老實講 林若寧好有水準
    櫻花榭下 花落誰家
    之前的好詞大有詞在

    其實你評得咁有水準
    點解你唔填詞?

    有時 批評人都要諗下自己有冇資格…
    你.. LOL AND SO SAD

  18. 唔該啦..千嬅到佐今日ga 地位已經不會再唱一般GA K歌架啦..成熟時咪轉下路線LOR..佢又咁忙..又拍戲..佢都仲係好有心唱歌架..佢唱歌愈黎愈進步..我唔覺得千嬅要收皮LOR..仲有..人地作1首歌咁難..即使寫得唔係咁好.都係你主觀姐..人地咁努力..你唔讚都唔使”彈”啦唔該

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>