聽Fiveng的水清沙幼

September 8, 2010 at 3:33 am - No Comments︱



來自San Fransico 的Fiveng暫時所知的背景不多，只知他們的debut single 《Jonah》十分好聽，尤其《Give me a taste》的那些synth聲與氣氛。坦白講一聽以為是瑞典label yours sincerely的新出品，原來不是。免費下載，大家自便。

Anthony and the Johnsons我要多謝你的愛




基本上也不用多提英國的Anthony and the Johnsons的背景，即將推出最新大碟【Swanlight】，睇到個cover今次走溫和路線，不禁讓我諗起同樣玩chamber pop的Damon and Naomi。

不過大碟未出之前繼續under 荷蘭Amsterdam的Label Konkorrent 推出一張single/EP【THANK YOU FOR YOUR LOVE】，哇，呢首歌真係變到暖意洋溢十分平易近人，哇，Thank you thank you ，講咁多首歌都係要講Thank you for your love 囉。自己睇下Anthony十幾年前響紐約拍的超八MV。


September 4, 2010 at 4:43 pm - No Comments




橙遊之三【在橙國看的地球係方的】




Amsterdam 大部份土地都低於水平線都唔係新聞，地平都略有所聞，但原來成個城市都係冇山都係去到先知。地平唔只有利踩單車，原來睇呢個世界會易d，仲會有不一樣o既o既觀點。

我地果日就踩左去遠郊地區，經過田野近距離接觸羊咩同牛牛(其實頗想落車同佢地影相)，經過沿海地區的一帶樓，冇錯，呢度就係小鎮Durgerdam，根據wiki話佢有四百三十人住。我相信如果我活於未知道世界係圓o既時代住響amsterdam，我真係相信呢個世界係有盡頭而且地球係方o既，因為企響Durgerdam度望出去，你真係好似睇到d 水係一下子跌左落去咁，唔係講笑。

不過仲有段小插曲，當日由於踩效區一d 石路，我架單車(應該話係添飯茄墳)呀媽架單車爆軚，我地就響前面一個小小鎮停低睇下有冇單車舖之類o既野。點知係冇o既，話其實有但放假去左旅行咁。好，再走前一d，去到一間士多，再問人，佢地原來有架衫可以補軚，咁我當然跳起yeah 啦。



補軚工作當然由添飯茄墳負責(我真係識鬼咩)，不過佢都原來雞手鴨雞咁樣。簡單來講佢根本搞唔掂，好彩士多度有幾個男人響度飲啤酒，見到呢個死o靚仔咁渣，就間唔中拔刀相助，搞左成大半個鐘有多(其實大部份時間都係佢搞唔掂而飲緊酒果三個男人見到就幫佢解難，佢就繼續搞然後又再搞唔掂。)當時場面就好似老豆幫個仔整單車咁。好，最後終於搞掂，添飯茄墳仲好有禮貌亦好搞笑咁走向三個人面前同佢地say thank you 要握手道謝，哈。

事後本人當然問點解你咁渣，原來添飯茄墳話佢踩左十幾廿年單車，只係爆過一次軚，仲係好耐以前，所以佢唔識補喎。踩到呢度，已經要掉頭走，因為要返佢屋企吃一餐Dutch Dinner，正宗荷蘭菜。

下回待續

fLICKR


September 3, 2010 at 4:10 am - 2 Comments




The Divine Comedy與吹氣公仔同玩樂




從來都是那麼喜愛The Divine Comedy，或是Neil Hannon，今年再以The Divine Comedy名義推出新專輯【Bang Goes The Knighthood】，今次名顯全走輕鬆開心路線，確實聽得人心花怒放，像首支single《At the Indie Disco》早已聽了又聽，開心至極。然後到另一首單曲《I Like》，大踏步直接跟你說我係喜歡你Sexy，喜歡你喜歡我囉。當然，睇埋個同吹氣公仔「合作」的MV就更加昇華了。


September 1, 2010 at 6:03 pm - No Comments




橙遊之二【Jens Lekman與七個小矮人】




應該是說有緣吧，竟然又是幸運地，我到訪Amsterdam的時間剛巧也是Jens Lekman tour到Amsterdam的時間，所以終於可以如願，看到他的現場演出！

Jens Lekman表現地點是Paradiso是Amsterdam內其中一個最重要的表演場地，翻看Wiki，基本上大部份神級樂團如Pink Floyd到U2到Talking Heads到The Clash都曾在此開show。Paradiso是由19世紀的教堂改建內部而成，地點原來就在市中心，踩踩單車忽然間就到了。

泊好車便走到Paradiso門前排隊，當晚有不少英國人在場，英國口音四處飛。Paradiso其中一最頂癮地方係入場睇show 係一定要做佢member，即係無端端要畀多3歐羅。當晚其中一奇特地方係在台前通常是跳舞企位的地方，竟然放了桌子與椅子，那種圓桌圍了兩三張椅子那樣子，讓我聯想起歡樂滿東華或是那些名星間的頒獎禮或是酒會，幾騎呢。

當晚另一開心大發現就係荷蘭人真係特別高，最近看報導知道原來他們比德國人更高，是全歐洲最高民族，平均183cm(注意，係平均，即係冇講性別，即係男女都平均183)。原來身旁的那位大概有185cm的荷蘭友添飯茄墳在荷蘭standard也只是平均甚至是矮，因為在場人士全都比我至少高半個至一個頭，呢種體驗係even在挪威都冇的。當我戲言全場矮過本人的應該不超過十人，而呢個時候身旁的添飯茄墳便說了一個本人認為是他的代表作的笑話︰「我估全場有六個人矮過你，因為there are 7 dwarfs」….

我也問佢咁響荷蘭矮真係好慘，響學校一定做人笑柄，佢當然話，係呀，通常都係架。矮人真無奈。

說完笑話回到音樂部份，當晚有Khaela Maricich (The Blow) 當support act，
也許是under budget 的關係，沒有live band，孤身上陣，不過頗有Jarvis Cocker 上身感覺，也就是極為神經質的那種表演者。

到Jens Lekman，原本擔心他的這次tour會是小型tour，不會帶太多人一齊tour，因為我鍾意佢有接近成個orchestra backup的arrangement。除了唱了幾首新歌，大部份還是上張專輯的歌曲。他的現場也真是十分掂，每首歌都有適當的新點子及編曲，而且搞笑o既佢亦原來十分鍾意配合動作來製造效果，總之好好睇。這個網站有一些很好的相，去睇下。



基本上第二日的行程就是踩單車在市中心略略走走，認識一下市中心大概係點，當然，中間亦不乏坐低抖抖飲杯咖啡食個lunch飲杯啤酒咁。夜晚返佢屋企吃晚飯然後夜晚就是去看了這演唱會。看完演唱會出來，天已黑，發現夜晚的Amsterdam一樣咁熱鬧，尤其一出來我們便身處Korte Leidsedwarsstraat這條全是酒吧的街，進入了一間添飯茄墳平時去開的Pub Café de Spuyt，格調奇好，正在播【OK Computer】，音樂音量剛剛好，不會嘈聽不到人講咩。啤酒種類亦多到驚人，當然有聞名已久的大量不同Belgian Bier。果一刻我先明白難怪身旁這位荷蘭男仔會成為一個酒鬼。(不過回來google 一下，十分搞笑，原來他們有兩隊球隊，一隊排球一隊藍球，將酒吧同sport clubs 結合，十分勁。)就咁大概坐到一點左右，依然係踩單車返歸。

(再次提醒，Flickr有更多相)


August 30, 2010 at 4:58 am - 2 Comments




Sufjan Stevens《I Walked》出走




oh my god，這是Sufjan Stevens嗎，當還在聽【All delighted people】 ep時，還在被這首長達十三分鐘仍然能把你心情牽動的作品時，他竟然頓把新專輯【The Age of Adz】的單曲《I Walked》讓大家免費下載。哇，應該是【 The BQE】後風格轉變的專輯吧，怎麼變了這麼電子，就好似把downtempo及trip hop與minimalist的電子甚至是neo-classical來個碰撞。旋律走向與平時完全不同，oh，你係得o既！


August 28, 2010 at 11:11 pm - No Comments

• 我都控制唔到架:(...
• 咁為乜你一踩人地架車...你就踩爆人地呢????????...
• 哈哈，王菲完全控制局面，終於理下朝偉就望佢兩眼，想唔理佢就行開XDD...
• 嗯 以往我頗變態地開至少兩個唔同的browser(試過三個，safari chrome + ope...
• 這有比較好嗎？...

---

超級樂壇創世紀 1994 - 朝偉 王菲 流非飛

---

瑞典The Marching Band行走到世界各地的耳仔

---

短寫《9 Songs》

---

挪威Statnett Electric Boogie 廣告