我由看《輪流轉》時已知道我會對甘國亮的電視劇著迷，果然，當昨天看《執到寶》時，我便知道點解甘國亮—這位小時候我常常只覺得他是位怪裡怪氣的「ball場明星」—會被捧到天咁高。
冇錯，翻查甘國亮的電視作品，原來連小學時鍾意睇，響朝早睇重播的《山水有相逢》都係甘國亮作品，你都唔好講笑。
我諗我會再出一個entry講《執到寶》有幾好睇，但呢個entry 係想表達我響呢位外表有d洋鬼子味道的甘國亮上的重大發現︰哇，《執到寶》裏面的佢真係同現任【Doctor Who】演Doctor的Matt Smith有七成相似，當然，神似多於形似(其實兩者都似)，一直睇一直嘖嘖稱奇，哈哈。所以如果當年【Doctor Who】紅到香港有香港版，相信甘國亮都必成大熱人選。
荷蘭 artist duo Haas&Hahn由兩個Dutch men Jeroen Koolhaas and Dre Urhahn組成，由2006年開始便在巴西埋首由社區推動(Community-driven)的藝術創作，把平時媒體裏被呈現為烏煙障氣的巴西貧民區用顏料變得七彩繽紛，頓成巨型藝術區。首個作業Favela Painting便在ˆRIO裏最惡名狼藉的貧民區Vila Cruzeiro進行。作業邀請本地青少年參與，讓青少年既可學得一手油油技術，亦在某些作業中能讓青少年同時賺錢。
Dutch Duo 最新創作名為【Santa Marta】,把 Rio de Janeiro中心的Santa Marta的三十四間房子變成色彩鮮明的藝術品，色彩線條運用令這些房子跳脫活潑，像在跳動的糖果屋。
當然，這様大型的社區創作結果看起來實在冇得彈，既具社㑹意義亦美觀。不過，當我在雀躍過後看到屋子原本的様子時，我又多少在沉思這様的外觀大翻新與本身社區的傳統外觀與價值要如何衡量，如何分輕重。再不用說去深究參與青少年的角色了，太多功夫了。
實在好笑，即將代表挪威參加Euro Vision 2010的 ”My Heart Is Yours”被電台人員 Rune Nilson發現同Michael Jackson的”Will you be there”勁似。然後佢post 上網諗主有人會話唔似，點知冇人有類似comment。
事實証明，兩首歌mix 埋一齊，真係可以係一首歌，tone 與tempo 都夾到十足。最啜核係佢地兩個dj的對話，話送呢首歌去參賽會贏硬，因為人人都鍾意MJ，哈，哈。
by the way，Didrik Solli這挪威版brad pitt已成為挪威少女殺手，實在犀利。
外國的音樂世界，一個新音樂單位出現，自小浸淫音樂世界，才華如泉湧，樂迷拍爛手掌，都期待他未來的作品。
香港的音樂世界，唱片公司將一件垃圾推出市面，美其名為歌手更有自大無知之徒自稱artist，抱住喜歡唱歌為口號唱出垃圾流行曲，但樂迷仍然拍爛手掌，大叫下一張佢會做得更好更有進步，永遠支持你….
原本已不打算再理此事，但在沖涼時仍然在為這件事感到懊惱，所以決定唔可以畀一班思想極度可怕的人佔據言論，要在這裡一次過打出自己的想法。
其實對於此事，叫我感到可怕的要素有很多，我逐一列點︰
1.所謂的「苦主」口口聲聲說要為免再有受害者所以才會有如此行動，但是我唔明白點解所謂的「為人民造福」的行動需要將人家的電話、電郵及背景等資料公諸於世。究竟係報復心態要發洩心頭憤定係為人民造福，自己知。
然後那些口口聲聲話同情苦主的人，話你唔係受害者梗係咁講的人，我真心覺得好笑，你結婚時就算請夏永康來影，佢都一樣有機會撻Q影唔到你滿意。意思即係既然咁重要，一來你就唔好那西，做到確保成件事work令自己放心；二來影相結婚相呢d 咁繁忙咁多野影的隨意相裏面，你要穩陣capture哂所有野，唔該唔好只搵一個來影相，呢d 係common sense，我相信係。
2.香港所謂的「消費者至上」的心態已經去到一個可怕的地步。原來之前趙燕萍事件仍然未有叫大家汲取教訓，仍然係本著我畀左錢你做唔好你就死畀我睇的地步。再諗返，我諗響餐廳度食十幾蚊一碗麵因為侍應做錯一樣野而鬧到人狗血淋頭的情境，係咪香港獨有？
「消費者至上」就令到大家覺得可以公開一個人的身份聯絡方法，真係可怕。更可笑的是有人堅持咁樣同openrice冇分別，佢地一樣打開門做生意。係呀，你自己都識講打開門做生意，餐廳舖頭任何有組織的「店舖」概念的單位都叫做打開門做你生意，但做freelance的好多都係閂埋門做生意，由人介紹或者只係ad hoc 的，個人資料任何時候都係冇必要畀全世界人知。你有權公開事件再作批評，但冇權將人地資料電話學校背景公諸於世，再作vigilante利用人地身份行私刑。
諗返其實而家咁多顧客都咁恐怖，各「service provider」其實也要自保，不如搞個openrice 咁o既archive式網頁，等d 各freelance 又好乜野都好，將一d 難頂顧客資料公開，集合各難頂customers資料，畀人評級。但最緊要係一定要有相同電話再加上資料背景，唔係其他freelance 或舖頭認唔到佢唔可以唔做佢生意架！
做個freelance o既人都知有d 客幾難頂啦，多多要求，當你生神仙，影結婚相為例，以為你一個人帶十萬樣架生，又要影外景又要影室內又唔同人講明，結婚咁重要，你影唔到我滿意o既我未鬧爆你爆你大獲要全世界人替我可憐！
係咪要咁？
3.睇人仆街，或者即係食生花呢d 野都係大家而家最鍾意響網上做o既野，但呢d 私刑公審存在著一個最大問題就係事主個版本究竟同真實版本其實可以有好大分別。
究竟有幾多人真係用心諗過呢d事？呢d 所謂苦主故事，佢講o既版本同成件事o既版本有幾成真係故事幾多成，大家知幾多？佢淨係話人地態度唔好但佢自己態度其實又係點？
要引大家食生花去一齊討伐一個人，真係唔係難事。
若然只係一個稍有良知及稍有知識水平及腦袋的，我真係諗唔到點解會用一d 咁樣o既手法去所謂為人民服務等人唔好再搵佢影結婚相；亦諗唔到點解會有人唔質疑點解苦主只係post 幾張相而唔將成個album公諸於世等大家認真客觀咁去狠評呢位咁差o既攝影師。以偏概全，再引導大家去可憐苦主，將人地身份公開再搞大件事，呢d 同唱衰冇分別。
4. 係，唱衰，最叫人可怕的是一班人可以如此積極去「唱衰」另一個人。唱衰一直在媒體裏都是八婆或潑婦及師奶的專利，是典型的stereotype。你諗返tvb 劇集d 八婆師奶講「你咁樣我要唱衰你呀」果時個黑人憎嘴臉，真係好討厭。
在舊年代唱衰係，以訛傳訛威力已經大得不得了，到今日網絡時代要唱衰一個人真係話都冇咁易，最得人驚係以前都真係唱衰人o者，而家搞到係你要將人地身份電話背景公開，要搞到全世界人都知呢件事為止，等果個人畀人響討論區拎祖宗十八代出來品評然後畀人打電話騷擾收email騷擾奚落，最毒真係婦人心。
最後要加返，我絕對唔係要撐邊個要幫邊個，只係根本成件事個出發點已有問題，你要公開件事，唔係咁樣公開的。人地再錯，唔代表你可以用網上暴力的。以暴易暴然後向全世界講自己好可憐呀，又叫人點同情你？
Heinz蕃茄汁最新包裝，dip and squeeze，確實是可以改善以往舊蕃茄汁一喼喼度成手係的問題。但又忽然先想起，雖然成日都整到一手係蕃茄汁，但其實我又好鐘意呢個人為小錯誤，然後放隻手指入口吮，又或者係伸條脷出來舔，都一樣咁滋味。
最近忙得不可開交，現在也一樣忙，但想到不update長角也未免太浪費給hosting的錢了，所以再忙也要update一篇了。
最近在挪威電視看到Statnett「Electric Boogie」的電視廣告，實在有如看吉百利廣告的精彩，睇一次笑一次，原來這樣子把挪威聯系了。還有官網呢。
