2009年恒源祥牛牛牛

恒源祥2008年的廣告實在是一個顛覆的廣告,用低資源能夠做到一個如此轟動的廣告,實在是叫本人沒話說,你只要想想當中的膽量、創作過程便知要有這樣的outcome 是真的很難的。好了,2009年恒源祥原來又發了工,這次繼承上次的風格,將整個廣告變得大眾化可愛化,一樣妙喎。


黑幫有個荷里活

《黑幫有個荷里活》這種關於演員懷才不遇的題材的喜劇,香港周星馳有套《喜劇之王》,連丹麥的Dogme之父Lars von Trier也玩了一套《Direktøren for det hele(The Boss of It All),日本代表這次則有三谷幸喜來玩個《黑幫有個荷里活》。

大抵這種題材的內容劇情走向已經拍到爛睇到悶,果然,劇情走向大是意料中事,那些gag那些笑位也是意料中事,但是整體的荒誕就是貫徹始終,由頭到尾,沒有一刻鬆懈下來,每個人都在演出生命中的荒謬,連結局黑幫大佬與禍水瑪莉都是沒有認真過來,好好。

當然,認真下來的,是佐藤浩市飾演的主角,他對演戲的熱誠,他對生命的執著,沒有三幅屁,卻在最後與仰慕的老演員的對話中輕描淡寫地呈現,令戲裏不只大笑傻笑,還有會心微笑的一幕。

感謝導演沒有為笑而笑,用兩小時十分鐘的長度舖排得循循善導,沒有一些多餘的動作,沒有為趕去笑而刪減戲中內容,開首看的不好笑,去到尾段自然變得一些令人會心微笑的地方。荒誕戲類也可以認真處理,《黑幫有個荷里活》是模範生了,沒有誇張到使你每分鐘都笑,但至少有兩三幕真是足以令你回味,獨個兒想起時都會偷偷地憨笑了。

PS女主角像關淑怡,黑幫大佬似林雪,妻夫木聰忽然似唐本光一,男主角西田敏行似我同學XDDDD

PS2重演三次那段真是經典:P


都市閒情的閒情

有時看到都市閒情這個在最弔詭的時間檔播放的節目,其實都偶有趣味,至少天南地北都會說一通,好睇過夜晚d劇先。有時訪問那些明星哥仔姐兒也比平時的好看,可能因為不是什麼多人看的節目,說話起來特別沒壓力。

今日略有閒情的我看到一位完全不知道他是乜水的男明星上去,聽了一陣原來是今年樂壇新人,美國生活十年,韓國話lala聲的主持問這位當時連名都未知的新人那你要走的歌路是什麼時,耳朵音即豎起,「哦,我自己就偏向鍾意慢歌情歌,所以會主攻慢歌,不過都會嘗試一下快歌跳下舞咁」,再問他那你有沒有什麼前輩是你的偶像,「我o既偶像就係vincy,佢把聲真係好靚唱得好好聽,加上佢係我師姐又係新秀出身,佢真係好犀利」

我都要讚這位叫扈佳榮的英皇新人,將幾乎都會從每位新人口中答出的「標準台詞」答得自然大體,亦絕對是秉乘著英皇歌手的互助互愛尊師重道精神。只不過要提點他一下記得練習咪嘴的技巧,太生硬又跟不到原版節奏,要多多努力。


啤一聲,timeout

看timeout 這個「The Time Out Top 20」,我真的只是睇到啤一聲。

The Time Out Top 20

We asked a group of experts to rank Hong Kong’s best musicians according to talent, individuality, career achievements, promise for the future, and X factor. Then we put the results into a barrel and stirred. Here’s what we came up with.

單看選取條件有「promise for the future, and X factor」這兩環,而第一位竟是仍然我們親愛的明哥時,再到12位竟然出現何韻詩。然而,其他選擇又會有一些「另類」的單位出現時,例如第8位出現了ST我也替他高興…雖然我知道Timeout是一本歷史悠久而是走高品味目標讀者是外國人加中產的品味雜誌,但是看著這樣子選一個香港top20,本人真是難以接受。

再看何韻詩的稿,唉,扮椎名林檎滿口抱負卻其實唱鄭秀文式肉麻麻情歌的,幾時是「stylish and charismatic Cantopop star」?呢個時代仲用「star」呢個字?

Denise Ho, the stylish and charismatic Cantopop star, has built a loyal following with her killer combo of dynamite live performances and bold artistic choices. Ho makes our list not only for her compelling turns in song, stage, and film, but also for her reliably outspoken mind.

還未夠,再看這版,吳雨霏的一行,哦,” to develop her own, edgier image’,哦,我而家終於明白英文的力量。

Kary Ng A pop rock singer who left the saccharine girl band Cookies to develop her own, edgier image.


我對政治冇興趣 ,朋友叫到幫手咪幫手

不 過 搞 笑 的 是 司 棋 姐 兩 頭 騰 助 選 , 她 本 人 卻 不 是 選 民 , 她 對 本 報 記 者 說 : 「 自 己 好 可 惜 唔 係 選 民 , 原 本 諗 住 今 年 登 記 , 但 唔 得 閒 , 到 得 閒 陣 又 截 止 。 」 劉 千 石 和 葉 劉 淑 儀 來 自 不 同 政 治 背 景 , 但 司 棋 姐 兩 邊 都 撐 , 她 還 說 : 「 唔 覺 政 見 有 乜 唔 同 , 劉 千 石 都 有 返 大 陸 。 我 對 政 治 冇 興 趣 , 朋 友 叫 到 幫 手 咪 幫 手 。 」

取自蘋果日報

今日選舉日,順便貼出。

荷媽呢期紅,在【家好月圓】愛講道理爆金句外,真人亦一樣爆出金句。司棋姐此一句「我 對 政 治 冇 興 趣 , 朋 友 叫 到 幫 手 咪 幫 手 。」,實在叫我拍案叫絕。從來藝人都只為做世界仔女而不敢得罪人,更會美言幾句以示友好關係,有理無理都撐一餐,盡顯愚昧。而司棋姐這一句,最妙係揭露藝人的空殼內涵與偽善性質並且推到極致外,亦符合其忠厚正義形象,話畀大家聽︰我司棋姐係偽人,但是係誠實得來又醒的一個。


【赤壁】一場笑片

我自問沒有點睇過吳大導的大作,亦一向對古裝大片冇乜好感,去睇都係因為與朋友一起去睇下戲傾下計,但想不到收穫喜出望外…一來懶,二來不敢從小人口中去踩前輩,在新聞組看見一些頗是本人心聲的comments,就copy下來。

“RaymondEdmondEdison” wrote in message
news:4879f51f$1@news.3home.net…

真的很差:< 不計合不合理, 演員計,梁朝偉完全不入戲,似在演現代片的靚仔角色, 亦充滿喜劇感… 金城武第一下出來好好 因為未需要演戲,造型同神髓捉到 但慢慢演出來則似d 喜劇中的大臣格, 不行。 琴交心果段,真係拍得好差,冇張力,音樂都可以執好d, 真係拍得好流@@
一諸葛亮同周瑜一齊時,似係輕鬆劇在搞笑多於兩個智雄在賣智,極鬆散…

小喬同梁朝偉關係做到唔係纏綿,而係意淫得來又不到肉,佢地一出現就頗難頂。
張震個造型好似照dub 以前佢d 戲d 造型,佢唔適合carry 孫權,一來太瘦,二來面型等都沒有古代英雄感…
最為滿意算係曹操,趙雲收貨,趙薇其實做得幾好,但對劇本身影響不大。

再講劇情/內容,真係一套笑片囉,關羽初出場真係大笑,三國無雙?
最後八卦陣,大佬,龍珠/幽遊/星矢乜都好,逐個英雄顯功夫都拍得好睇d,
圍緊人無啦啦做乜單刀,張飛仲要係大笑位@@周瑜飛出來有點WTF 感覺…
我完全從呢場戰爭中睇唔到佢地兩個係咁犀利…

再technically speaking,cinematography 真係出奇地差
係咪吳大導冇經驗拍大場面大製作,d tracking shot, camera movement 都好差,
簡直似新手作,唔知邊個幫佢做攝影同cam man,有幾幕仲要有d 似用handy cam的awkward
感@@
d 大場面真係好少可見拍得咁差,大佬請得咁多臨記咁大場面真係好難想像會拍得咁…

套戲最對路的係魏果邊的描述,其他真係好多GAG 位…
我都估唔到吳大導拍左咁耐套,D 手法技巧可以拍成咁

漏左,八卦陣果度果招收人入盾度,都頗好笑,我覺得頗有睇The Saw 果d 機關咁o既感覺@@

仲有,張飛頗有古代中國版Hulk的感覺:P

“傑傑” 撰寫於郵件新聞:4875a70f@news.3home.net…

粗疏得令人失笑……
尾場白鴿飛過戰船的特技竟然有墨攻的水準真的令人汗顏
百萬軍中藏阿豆又係揹背
關二哥mark哥式有青龍掩月刀唔用,一早掉出去插死個茄呢啡,然後搶人地d槍黎用,用完一支掉一支,好有楓林閣況味
張飛赤手空拳殺入陣中唔梗要,但連續兩三個好似李健仁沙灘慢鏡式衝開d矛同撞馬,效果出奇地爆笑
周公瑾練練下兵走去同細路吹蕭,番到黎又幫阿伯捉偷牛賊,然後有人走來話 “難產呀”又即刻走左去…..練兵練得好唔認真…..
你以為小喬難產…?梗唔係,係隻馬難產,跟住諸葛亮一齊黎埋一齊接生馬仔,周瑜,諸葛,小喬一齊幫隻馬改名”萌萌”…..爆笑程度頂班
八掛陣用隻烏龜黎表現唔梗要,唔駛最後dissolve落隻烏龜度掛…..
千軍萬馬,但竟然多次見到陣中將士唔知自己應該點然後拎住支矛前前後後咁行黎行去……..
小喬係全戲最大笑位……佢的演法真係好難頂
梁朝偉完全不在狀態,唔知自己做乜,當然都唔知導演做乜
金城武都唔知自己做乜
曹操本來幾型,但最後竟然一大敗北,為小喬去打東吳唔駛要,唔駛整場咁on居而白痴的場口來說明吧……

又話拍左八億,但比起小一半錢的投明狀好似差好遠咁,場面係大,但完全沒有戰爭情緒,唯一好係將打仗的陣法拍得很清楚……但每個細節都好粗梳,成日見到d老臨響度笑同拎住支槍唔知做乜……..

最後既兩個鏡頭最勁…..套戲本應完,但落左個下回預告,周瑜用個火把仔點著d模型船,然後打出赤壁之戰四個大字,然後再出請看下回……個字體係好肉孫的立體紅字,整個感覺好似八十年代呂良偉的西楚霸王feel….

值得一提,在旺角看,看到八掛陣時,現場觀眾真的如八掛陣般在銀幕前和四處走來走去爭相去廁所,中途有好多人離場,而且笑聲不絕……!!

延伸閱讀
《赤壁》Red Cliff —— 吳宇森之死
《赤壁》–被美国化的香港电影


Star WARS is based on a true Story

人總喜歡憑自己片面的認識去將其放到無限大,「法國人好浪漫」、「意大利人好咸濕」、「德國人好好人」,這些都且都是根據一些細碎的生活經驗而作出的無關痛癢斷言,說出來未至於會割傷人任何一忽的神經。然而,從不少人口中講出的「美國人好鬼死蠢」就真係好冇禮貌亦太過具有攻擊性與及侮辱,雙重標準又好,我總覺得不應說這一句。

不過,換了由美國人自己口中說又怎麼樣?咁就唔同講法。響nrk度睇到一篇以「挪威人會不會像美國人一樣蠢」的文章就即刻吸引到我,令我搵到答案,CNN在節目中為美國人「澄清」他們不是死蠢,在街頭訪問了不少人,問了一些應是常識的問題,而美國人確實有其自己一套的答案。英國用乜貨幣,有人答美金,已經夠啜核,加上有人竟然不斷在澳洲土地上插上日本韓國等國家,我忍唔住大笑起來。當然,要選最有代表性的,一定係 「Star WARS is based on a true Story」。

當然,呢個節目的intention與立場太明顯,加上一個地方總有其黑羊,我相信香港亦有很多這樣的人存在。仲有,有幾多是真心膠有幾多是曲線,也都未知道。不過…蠢唔蠢,夠用未得囉。

去片