對電視迷來說，剛從精彩的True Detective喘過氣來，這周就是迎接Game of Thrones回歸的大日子。不過，追劇有時真的挺累的，出色的劇集往往需耐性及腦力去欣賞；有時自己狀態不佳時，還是希望在一系列劇力萬鈞的劇集以外，有一些輕鬆幽默的劇集平衡心情。這次想說的正是兩個英國節目用來調劑一下陰暗的GoT世界。
同志音樂劇婚禮
同性婚姻在英格蘭與威爾斯於三月份正式合法，首批同性婚姻在三月廿九日在兩地正式舉行，而Channel 4就轉播當日其中一個同性婚禮，來紀念這個平權的重要日子。雖則首個同性婚禮別具意義，但也只是婚禮一個吧，有何特別？確實，如果這只是普通婚禮當然是悶蛋沒啥特別，但如果婚禮其實是個專業的音樂劇呢？節目Our Gay Wedding: The Musical顧名思義，既是婚禮亦是音樂劇——亦很「gay」。
這個同性婚禮是來自文化圈的Benjamin Till與Nathan Taylor的婚禮，Benjamin是作曲人，而Nathan是演員兼歌手，所以成就了這樂韻悠揚的音樂劇婚禮；就算是主持、牧師都是用音樂劇形式唱出，就連立誓「我願意」亦唱出來，可算是史上最別出心裁的婚禮。除了婚禮有星級嘉賓如Kylie Minogue等送上祝福外，節目亦由Stephen Fry作旁白。Stephen是英國著名電視主持/演員，亦是公開的同性戀及平權人士。他在節目開頭說「終於，一路走來，我們gays終擁有真正的平等」就已經令整個節目更具意義更具分量。
另一邊廂，BBC最近亦有大新聞，BBC Three未來將會在免費電視頻道上消失，僅以數碼形式在網絡上生存。這個電視界的壞消息之外，這幾年BBC已經不斷被垢病，指摘包括保守、揮霍；再加上之前新聞部的錯誤及在以前維護戀童的Jimmy Savile一事，均令BBC無日安寧，令身任BBC Trust主席的最後港督彭定康無覺好瞓。不過，即使BBC再衰，都能保留自嘲的英式幽默及厚道，最新劇集W1A就是一套BBC諷刺自家管理層的喜劇。
BBC拍劇自嘲管理層
兩年前BBC的Twenty Twelve是一部有關倫敦奧運的策劃團隊的mockumentary，隨着奧運完結，這次創作人John morton將場地由奧運改至倫敦BBC廣播大樓裏頭，以大樓的郵號W1A作劇集名稱，講述主角在BBC擔任新的Head of value（主角Ian Fletcher由Downey Abbey的Hugh Bonneville主演）的故事。
像BBC這具威信，身為全球最顯赫的廣播公司，管理層必定辦事認真，一絲不苟吧。如果持着這想法，看W1A就肯定大開眼界。高層大耍語言偽術，推卸責任不願擔大旗、盡量用含糊用語，原來都是BBC裏頭司空見慣的平常事，可能高級管理層真是天下烏鴉一樣黑吧？當中還有一個呆滯笨拙的實習員工，就連最基本買咖啡的任務亦辦不妥當，實在令人哭笑不得。
員工：驚嚇地準確
這類設定在現實場景的電視劇，劇集所描述的情况的可信性通常是整個劇集能否成立、是否有說服力的重要關鍵。我則可以給大家派定心丸，事因不少BBC員工都異口同聲表示劇集反映BBC的現實工作情况，更有不少人驚訝地表達這劇集「驚嚇地準確」。別以為要一個大企業自嘲容易，這是認真的電視台或企業才有的風範，想想香港那些面對批評都只懂在藏頭露尾的電視台及機構？真的拍馬都追不上。
原文刊登於四月十八日明報副刊沙發薯
都是那句，自從會認真地看電視劇後，便明白電視劇也如電影一樣，美式製作總跌入formula及某些大環境因素影響，要比創意，真的比英劇輸蝕很多。英劇從來都有自己一套的Offbeat英式幽默，那種幽默從來都是英國人獨有的，那些簡單的嘴臉，全部都是在timing及對白方面各方配合的。講到尾，其實又想說最近一套【The Fades】。
The Fades 是以針對年輕觀眾的BBC3的產品，台齡還輕的BBC3之前的出色作品就有Little Britain,Gavin & Stacey
, Being Human,Him and Her及How Not to Live Your Life等等。繼Being Human後，The Fades再次是一套有關神鬼嘗試把傳統神鬼故事再以廿一世紀年輕人角度包裝，怎知結果是哇！我相信The Fades等全個series 1播放完畢後再在網絡世界circulate一陣後，會成為像Being Human一樣另一套international hit。
The Fades是一部集青春劇、科幻、恐怖劇、喜劇、懸疑、神鬼paranormal、殭屍⋯⋯⋯⋯等等元素集一身的犀利電視劇。故事講述一個geek（香港稱的宅男、電車男）的十七歲John是在學校不起眼、被欺凌的男生。不過同時佢又不斷發奇怪的惡夢並會驚到夜晚瀨尿，成為家姐笑柄，同時並能看見鬼魂。起初看似還不是另一套講鬼怪電視劇？對，頭一集確實是令人感到不少顧慮及不肯定的。但我敢說，電視劇一集比一集精彩，故事的野心及膽量一集比一集犀利，很多twsists的同時不是那種讓人覺得為扭而扭的橋，你只會一直感到整個劇本是十分聰明且是真正的being gutsy, reflective, thoughtful and creative。
很多時鬼怪片都會跌入一個trap，就係跌入左果種對抗邪魔的二元關係。當然，近代的鬼怪zombies種類己經明白呢個缺點，所以很多時都會令到角色更活生生，更多人性及角色的陰暗面。但係The Fades就更加將呢個層面鑽入更深的程度，利用角色年輕青春期的設定，將佢的思想行為放落整個故事的發展，令到故事能夠唔係理所當然地進行。當然，點解好睇？同時係因為當中的喜劇元素依然好強，一路緊張之餘一路又有offbeat幽默令你笑，其中第五集的一幕尤其笑死人︰
「My Boyfriend’s dead and you’re a library monitor」
我真係笑翻了。
當然，曽為SKins及This is England 電視版的編劇Jack Thorne應記一功。而喜歡Skins或Misfits 的亦一定要睇，如果Misfits係Skins x Heroes，咁The Fades就直頭係The Skins x the Walking Dead x Misfits x Heroes，哈哈！仲有Skins的演員，第一季飾Chris的Daniela Nardini及黑人笑匠Daniel Kaluuya與及第二季的Naomi Lily Loveless(應該係stage name 掛）擔演。
講多無謂，下星期The Fades第一季就完，好緊張！我敢說，上年電視劇係Sherlock一鳴驚人，今年到The Fades了(今年有另一套好好笑的喜劇，遲下講)。(同時睇完The Waling Dead的第二輯首集，well，真係越來越平庸了，喜歡The Walking Dead的，試下The Fades)
閱讀更多
Have you been watching … The Fades?
From The Fades to Misfits – is youth drama leading the way?
要總結最近英美電視，我會咁樣總結，美國應是【Game of Thrones】的世界，傳統epic 的中世紀小說改編，故事世界觀複雜到爆炸；英國方面除了【Doctor Who】外，應該係被最新的假Reality TV搶了風頭。這次要講的係玩過反叛青春【Skins】，玩過Nerdy宅男【Inbetweeners】後，E4的另一巨獻【Made in Chelsea】。
有留意英國電視劇的，會知道上年的一套【The Only Way is Essex】突然成了大紅劇集。呢套戲頂癮在係開創了新的一個電劇Genre，有人叫佢做Reality Soap，有人叫佢做Scripted Reality。甚實英國一直仍在Explore Reality show的可能性，估唔到以庸俗到爆炸，講述一班有錢有地位的愛情生活會咁受歡迎。講到尾，其實好多人都係鍾意睇愛情劇，或者係睇當中果種有無限可能性的角色與角色的張力及火花。
或者你仲未知道咩係Scripted Reality show，簡單來講就係搵一班真正存在的人，用佢地真名，用真人當characters，然後搵佢地拍一部有關佢地真實生活的電視劇。Guardians筆者這樣來形容”real people in modified situations, saying unscripted lines but in a structured way.”。就好似【The Only Way is Essex】每集開頭就會嚴正聲明︰胸可能係假，膚色可能係假，但人真係真架。
成件事另一有趣的趨勢係喜歡以地區性的Stereotypes來作出發點。【The Only Way is Essex】係focus 在Essex 的空洞庸俗的Stereotypes。但新的對手【Made in Chelsea】則係以London最富貴最middle class 最有錢最扮野的stereotypes著手，係一班有錢的廿歲出頭的靚仔靚女。
其實呢個新電視genre最過癮的地方係，其實成個show 擺明係假的。將真人變做演員，將假事變做真事。將Documentary及reality show 及drama 放埋一齊，真係好詭異。【Made in Chelsea】更勝前者係因為佢係走高檔專業路線，畫面、Cinematography剪接等都靚而有型格。同埋佢真係同樣唔介意畀人知道呢班有錢年輕人甚至富二代的生活有幾vain。佢神奇在係全套戲其實只係以對話來帶動，但係已經將角色與角色的張力帶出來。可能對話是較容易掌握的演技，所有「演員」都真係十分好戲。成套戲另一弔詭係，佢直頭冇好似Essex咁講明D 人係真或者點，佢將果種做戲同真實混合得簡直係假亦真時真亦假的地步⋯⋯同埋，【Made in Chelsea】其中一signature 就係每個scene 最尾都會留白，影著角色的表情數秒才轉scene ，呢個處理真係好神奇亦將好多emotions或想像空間帶動出來，真係好犀利。
當然，講到尾【Made in Chelsea】真係掌握了大家對高尙生活靚人靚衫靚景的八掛及嚮往。我地鍾意睇人地點有錢，然後又鍾意睇佢地三角戀四角戀或者點樣分手點樣Flirt⋯⋯⋯係，呢套劇真係好vain，但真係拍得好好睇，同埋確實係將呢個新Genre推到了神級的地步。
當然，喜歡再vain 一點，只有sex與酒的朋友，或者可留意Jersey Shore的英國版，在Newcastle拍的Geordie Shore吧。神奇地將紐卡素人變成俗不可耐的派對動物。
