倫敦妓女的私日記

secretdiary001

講真,我曾經以為自己不再喜歡看電視劇,對不起,這是無綫電視TBB給我的錯覺,身在香港,給用PROGRAMMING Generate出來的電視劇所轟炸,我真係變得對電視劇冇好感。一段時我仲同人講,我唔點睇電視劇架。

不過,自從投入了英國電視劇的懷抱後,我就好似上左癮咁特別喜歡英國電視劇,因為一來沒有美國電視劇的formula,二來英國電視劇的題材較多元化,由detective到講teenagers的定位都定得好到位;三來就係快狠辣,看得特別爽快,就好似【Secret Diary of a Call girl】。

我也是因為偶然在挪威電視台上看到一集【Secret Diary of a Call girl】先立即一次過睇哂所有三個series。從來itv的電視劇都一般般的,但今次卻真係entertaining、庸俗得來又真係捕捉到角色的內心世界,好野。

secretdiary002

電視劇是based on 在英國轟動一時的Belle de Jour所著作的兩本暢銷書。女主角則由Billie Piper所擔任。簡單來講,Billie Piper 所飾演的Hannah或Belle其實就是一個妓女、雞、賣淫者、性服敄員等等(Escort, prostitute, whore…)。Hannah並非一般賣淫少女,二十多歲,完成大學,修讀英文,有學識聰明而且幾靚,卻因為喜歡sex同錢而當一個高級escort。基本上故事就係咁,解構一個平日就係Hannah,工作時就係Belle的二重角色的生活。

看Series one 你會為整個節目的尺度而感到surprised,因為一來Billie Piper真係好搏,二來有好多雖然係借鏡但係都極度露骨explicit的love scene。不過,撇除呢d 元素,作為一個半小時節目來講,第一季娛樂性真係異常豐富,Billie Piper一路慢慢披露自己的生活及工作,觀眾慢慢了解佢,而每集除左有娛樂位,亦提供左好多精簡到位又subtle的時間去畀觀眾知道角色的面對的struggle及矛盾,唔容易,亦都係點解第一個series 咁好睇的原因。

第二個series 基本上係進一步了解Hannah呢個persona 多於再係介紹佢工作上的待遇,亦引入了更多的現實prostitution的話題。當然,整個series 的主線係Hannah終於有一個真正男朋友,探討一個妓女其實可唔可以有真正生活及真愛。同時佢同Alex的呢個愛情線又真係處理得好直接好gripping,真係一定會令你繼續睇落去果種。

第三個series 在各方面都畀人感覺到在production 的層面上沒有之前的認真及有心了,當然,仍然保持到劇集的娛樂性亦繼續呈現到角色的心理,但整體上已踏入左tv series 的為continue 而continue 的感覺。但唔好理,依然好睇,去到series 3 啦,你仲想點。

secretdiary003

聽聞itv 已用天價開畀Billie Piper 叫佢拍series 4 同final series。哈,期待。

當然,我忽略左提Ben呢個角色,well,雖然去到series 3 佢個角色變得好functional 同over,但在series 1 同2 裏面o既佢,我諗,好多人都會明白其實好多人身邊都有個ben,或其實你自己就係Ben 啦。

【Secret Diary of a Call girl】係一部在production 或cinematography 上都好嚴謹好好睇o既作品,當然,Billie Piper真係好戲,將Hannah或Belle都變得好立體,亦估唔到其實佢真係「索」的。而另一本人最鍾意的地方,就係camera 同主角的互動,果種介乎1st person 的出發點的弔詭,佢對鏡頭的gaze 或者傾談,都係妙筆。

(唔好怪我,我用左十五分鐘打呢篇野,一貫風格,好多野做呀大佬)

隨口講一︰我而家先真係記得當年Billie Piper 出道係叫Billie,佢果時真係好難頂,我睇返佢d mv 而家先發現我真係仲識哼佢首《Girlfriend》同《because we want to》,之前看Doctor who 都醒不起。

隨口講二︰呢套電視劇其實只有大概廿四分鐘,食飯睇一流,亦都真係好好睇。已成為本人其中一飛佛。

隨口講三︰Billie Piper 大概是那種五官非美亦非人人接受的樣,但加起上來其實charming 或hot的女人,睇呢套劇我咁發現。我睇doctor who 冇咁o既感覺,甚至覺得佢真係頗醜。


必撈的電視汁︰Torchwood 第三輯

torchwood

以前也許會諗︰如果沒看過【Doctor Who】,看【Torchwood】會不會也一樣覺得過癮。那現在我會諗︰如果沒看【Torchwood】series 1 及2,那看series 3 會不會一樣好看。

其實我已有答案,答案是會,因為這第三季【Torchwood】真是意外地好看。

【Torchwood】頭兩輯好看,是因為那些被label為「成人內容」的情慾關係,與及對角色面對外星人比較深層一點的描述。頭兩輯當然是娛樂性豐富,角色關係也是到位好睇,但卻常有冗長劇情及兒戲劇情,與【Doctor who】問題一樣。

到【Torchwood】第三輯【Children of Earth】由以前十多集獨立劇情轉變為一個主題五大集,更要在一星期內播足五集,一集為一日,Day one 到Day Five,每集六十分鐘,即其實是三小時電視電影。這樣大膽的做法我不禁擔心【Torchwood】會否因此而有什麼差池,看畢五集,發覺擔心是多餘,原來是胸有成竹的出色製作。

整套第三輯最犀利的地方是它把Sci-fi這genre處理得很破格,把「最醜惡的不是外星人,而是人性」這不是新的點子表達得成熟穩當,令人不寒而慄。故事裏UNIT又或是英國政府再不是市民的朋友,再沒有以往聯手對付外星人的單純情節,英國政府為了隱瞞真相,先是要把Torchwood滅門。然後要再把全世界一成的「Children」作為拯救地球的代價,讓外星人456離開地球。當中最震撼的,是展示那些politician是何其偽善自私,將階級、精英制的思想來把人類分級打價,把「差」的犧牲;軍人警察成為捉拿「Children」的恐怖份子,捉小孩的一幕與家長掙扎的一幕拍得簡短震撼;還未夠,政治遊戲當然要有一些政治中的人成無辜者來犧牲,一樣道理,弱者成犧牲品,全因政治遊戲,在某些以為自己命特別貴的人,有些人命是expendable。

確實,由Day4看到Ianto一幕時,已經心知Day 5 會是更沉重的一集。這輯【Torchwood】Suggest的不再是什麼拯救地球的主題,而是將人類在無可奈何情況下所作出的「非人類」醜惡行為,那些按照個人道德觀念的自私道德審裁如何引導整個世界,同一時間那些以弱小力量嘗試拯救世界的卻可能會頓成眾矢之的或是只成為革命下的不足道的犧牲。另一方面,把Jack Harkness的形象亦進一步強化,由一句「One injury to one is an injury to all」 到最後他的選擇來呼應這一句,他的罪愈積愈多,不能回頭。Peter Capaldi演的Frobisher一樣叫人看得入迷,逐步逐步把他的角色揭開,到最後一幕由秘書作引旨又是另一妙筆。新加入角色Lois亦別有用心,當以為她又會以什麼步伐走入Torchwood隊伍之後,竟然筆鋒一轉Torchwood小隊是把她棄之不顧,成為一個一直靠聰明與正義心直衝的outsider。

這樣的一個結局,代表著整個Torchwood小隊的瓦解,亦代表著Torchwood 這tv-series很大可能會就此終結,是嗎,又或者是Russell T. Davies會為Jack Harkness設計另一spin-off吧。而我亦開始明白為何在第二輯裏要安排Tosh 及Owen死得這樣壯烈,原來也是一條伏線。

若然有耐性看五集電視劇,Torchwood 絕對是2009年誠意之作,尤其是愛sci-fi的朋友,well-acted、well-scripted、well-directed,不介意沉重的話,應該會像我一樣對這輯Torchwood感到無比的喜愛。


I never said I was Deep 的Jarvis Cocker

jarviscocker

偷偷地搶先聽Jarvis Cocker 新碟【Further Complication】,越聽越起勁。今張碟明顯Jarvis Cocker明顯是有點不一樣的,唱法上或音色或編排上都有份向上世紀六七十年代音樂輝煌時段致敬的感覺。

初聽只是覺得像The Velvet underground/Lou Reed或Bob Dylan,翻覆聽便發覺原來錯了,其實是很七十年代的David Bowie 。

面對這一張歌詞內容極度cheesy的專輯,要挑那一首最喜歡,其實應是《SLUSH》或《You’re In My Eyes (Discosong) 》,但怎能不愛發悔氣膚淺至極的《I Never Said I Was Deep》?「I never said I was deep / I am profoundly shallow / I never said I was clever」。

不過原來先行曲單是《Angela》,Jarviscocker.net 更免費提供下載,下載吧,不要非法搶先下載喇,音質太差,做正氣寶寶啦。


地鐵車廂變工作室

london_studio

名為「Village Underground」,是倫敦Shoreditch裏的一座磚建的樓房變為一個展覽空間,以二百磅買入四個地鐵車廂作Artists的Studio的地方。還未知道究竟駐守的Artists的作品是怎樣,但單看外表已經很吸引,下次去倫敦又有新地點要遊覽了。

來源︰Inhabitat


穿插【The Wrong Door】的隨意門

BBC Three 由Ben Wheatley導演的最新喜劇【The Wrong Door】,秉承著英式喜劇的無聊怪雞荒誕風格,而且更利用CG動畫大玩surreal,將生活上的小東西科幻誇張化,哇,喜歡The Mighty Boosh 的朋友要留意了,造型上雖不及The Mighty Boosh的cult,而且亦更多低俗的笑料,不過,其實單睇其網頁的互動性與用心便已經能夠吸引到你去睇一集半集吧?