收到朋友send 來麥浚龍的《林民龍》MV，不禁又要說聲有錢大哂，動畫本身做得不是太出眾，然而Art direction 卻做足功課，色調與光度都調得靚靚，香港製作來說確實驚喜，不過，雖然MV 本身出眾，卻與歌本身根本找不到任何配合之處，畫有畫走歌有歌走，有錢大哂，有錢做靚Moving image，但音樂唔識配合，浪費，side 料。

你話偏見又好，憎人富貴厭人窮又好，我就係唔鍾意麥浚龍，有錢人從來在社會都係要受眾夫所指，尤其是出身有錢家族的有錢仔，坐享其成，能夠受眾夫所指是你畢生的幸運，因為証明你係萬中無一的有錢人，所以可以唱片賣唔好繼續唱，長唱長有，獨立廠牌，自家刊物宣傳，然後又可以話自己有品味有心機生意人，其他一樣紅唔起的歌手，出左一兩張唱片就bye bye 左啦，義正詞嚴話人家對你有偏見，不如實實際際諗下自己的待遇因為pure luck 而坐享的家底幫助你自己幾多啦。

廢話一輪，說回正題，然後send 給一班同學仔看，幾位不約而問︰「呢首歌軟硬架嘛？關juno 咩事」，然後相同comment 亦出現「同首歌唔夾」，另一位對動畫研究甚深的J君說︰「我想睇好耐，聽聞話做左六個月」，睇完後就話「六個月可以做得好d 囉，而家ok 啦」，跟手跟我講最近有個animated MV 好好睇，我二話不說即估到係Radiohead的《House of Cards》，由當初第一次經pitchfork介紹，到littleoslo的分享，再由另一位友人推介，今天再由另一位朋友禮尚往來我send juno 佢send radiohead給我，冇法，真係精彩。J同學更叮囑要看making of，話d 儀器好勁，自已睇。

當然，將《House of Cards》與《林民龍》比較是絕對不公平，你亦唔會以為我將佢地比較嘛。

在電台中聽到DJ訪問一名陰聲細氣的樂手訪問，再播出其幾首爽朗的作品，讓我對這位樂手提起興趣，哦，原來是來自Stourbridge的英國樂團The Voluntary Butler Scheme，在MYSPACE試聽了一連串歌曲，都是一樣的輕鬆好聽，秉承著英倫樂團的可口好聽，其中單曲《trading things in》懷舊結他音色中有連打鼓聲與不斷的Hand clapping，再在副歌中以口琴伴托唱出「So I say baby don’t go for anyone」的癡情。單曲即將推出，MV也lo-fi可愛，留意吧。
01 Trading Things In – Voluntary Butler Scheme

應該是我考會考的時期，Coldplay的【Parachutes】剛推出，好鬼流行，而果期間又好似有另一隊英國樂隊都好紅，那時一同學問我鍾意邊個，我話我鍾意Coldplay的稍為粗糙的民謠。然後到第二張專輯幾乎沒有認真聽過一次，第三張專輯【X&Y】好比心機聽左幾次，然後都冇聽了。

Coldplay除了《Trouble》或是《Fix You》等攞你命情歌外，其他歌都是聽到會跟著唱的開心歌，聽得多會憎，聽一兩次可以。新專輯【Viva la Vida or Death and All His Friends】找Brian Eno來作監製，不知會玩出咩花樣，但係應該離不開易入口流暢到爆的曲式。

首支單曲《Violent Hill》official MV行貨得過份，Dancing Politicians稍為好，不夠Apple幫他們拍的一個promote靚到tum一聲。

Miss 了奇奇怪怪幽幽默默的英國樂團Hot Chip【Made in the dark】的首支single 《Ready For The Floor》的mv？不緊要，但別忘了這一首《One Pure Thought》的MV，好看得不得之了，幽默感依然之餘，玩色玩得極妙。