橙遊之八【香港與荷蘭】

amst2010last001_effected

時日如飛,離Amsterdam的旅行已有兩個月多,生活忙或是豐富生活,也分不淸了,到底,也想寫寫東西完成這個Amsterdam的系列。

最後一節,其實一早預了是寫當地的「中國文化」。因為在奧斯陸,遇到的中國人幾乎都是講普通話的,所以一旦走入了阿姆斯特丹,聽到四處的中國人都在講廣東話,我真的感到十個好奇。

首先,當然,我是記得老媽講過,以前很多元朗某圍村人都移民了不是荷蘭就是英國,而老媽的某好友亦是當中一份子。而我都記得老豆提過,有不少麵包師傅都過了荷蘭。而我,亦記得荷蘭有個周耀輝住在這。僅此,所以當我在Amsterdam四週看到不少帶著濃厚廣東色彩的洒家名字,如什麼「皇宮洒樓」,怎能不讓我不覺得份外親切呢?然後,當我經過洒家都聽到一些所謂半咸半淡廣東話,我又點能唔興奮呢?哈哈

之後,回到家裏,翻查資料,才知道原大概在七十年代第一批在荷蘭的華人移民大多是香港人,而他們大都在荷蘭做洒家生意,所以陸續就請左好多中國人做伙記,而伙記當然跟官姓,所以even佢地唔係講廣東話都會學識講廣東話囉。所以因為咁在荷蘭電台為中國移民做的電台官方語言都係廣東話而唔係國語,好野。然後,在機場回家時,咁橋遇到兩個中國人樣的人把荷蘭語同廣東話混合來講,哈哈,神奇。

就係因為咁,在Amsterdam其實真係好多中國餐館,當然,仲有一個china town (不過本人幾乎只係直行直過冇停留冇特別睇條街),然後,基本超級市場都會有中國調味料,蠔油到豉油,仲係李錦記架喎!

amst2010last002_effected

而亦因為咁,荷蘭人都好鍾意吃中國菜,通常佢地會係叫食Chinese takeaway ,拎返屋企吃,有咩吃,咕嚕肉果D,主要已經混合了不少印尼或其他亞洲Cuisine,不過主要離不開甜酸醬同蕃茄醬!亦因為咁,飯茄墳一家就請本人吃了一餐Chinese takeaway去試下呢度的中國菜。

飯茄墳一家行民主制,大家各自叫一碟自己喜歡的菜,然後就混合起來一起吃,當落好單,我就同添飯茄墳同佢妹妹一齊行去Diemen的繁榮市中心度買外賣。去到其實都頗多人,主要都係買外賣,較少人真係坐低吃。而當時在場有一荷蘭人估伙記,佢地話好少見,通常都真係中國人(至少係亞洲人)做野,佢懷疑係某伙記的男朋友,咁就唔知了。

回到家就急不及待吃了,吃呀吃,其實味道還不錯,但食物整法就好唔同了,不過最主要都係D 蕃茄汁,基本上個個菜都係用果個汁,that’s Chinese!哈!不過其實Chinese takeaway 也不便宜,平均也要至少每人十幾歐元!哼!

好了,荷蘭之旅到此為止,心境變了,又開始想為長角轉新裝了。亦開始想寫另一些東西了,唔,很多東西要做呢。好,下次遊記應該會是一月份之後的事了,一月份本人將會到Scotland Edinburgh 及瑞典Gothenburg! 跳起yeah!

橙遊之七【吃pannenkoeken】

係咁樣的,來到第七回,我打算寫到第八回就收手,嗯,life must move on,哈。

對於「生活在挪威」的本人來說,基本上在oslo 是冇可能出街吃飯的,基本上最平的已經係student canteen有大概五六十蚊的「飯」了。吃一個baguette三文治已經至少四五十挪威幣,大概就是五六十港幣了。所以到了Amsterdam,由於不用花費在住宿費上,便可以用洗錢落出街吃東西身上(基本上也只是吃lunch,因為早餐同晚飯都在飯茄墳家裏吃)。所以呢次先可以有咁多出街吃東西經驗。

Amsterdam吃東西來說比oslo平得多了,基本上lunch 4-5euro 已經可以了。even 在市中心遊客區吃東西都只係5-7euro,其實比香港遊客區東西仲平。

amst7_02

呢次只想講荷蘭的pannenkoeken,即係pancake。荷蘭Pancake其實一早已經是響噹噹十分出名,但係久仰大名卻一直未有機會試,終於等到臨走的前一天便要刻意去一間叫The Pancake Bakery的餐應吃佢一餐Pancake!

荷蘭的傳統Pancake吃法聽聞就係加上蜜糖(同層的加拿大人也是pancake 愛好者,經常整pancake,她最鍾意都係pancake 加上maple syrup)。但是這樣的,荷蘭的那隻蜜糖叫stroop,而佢地發展到家陣pancake 食法已經遠超單調o既蜜糖。

基本上pancakes 吃法大抵先分咸定甜,甜的正如之前講,最傳統吃法就係蜜糖。但係,而家你想放d 乜上去都得了,朱古力,雪糕cream 生果都任君選擇,那天本人心血來潮豪了吃一個比利時朱古力配雪糕配士多啤利,十分勁。這裡的pancake 份量基本上一個夠哂飽,甚至覺得太飽,女仔的話兩個share 也夠了。

ams07_03

另一邊廂其實pancake 還有一個迷理版本叫poffertjes,基本上就是小小的pancakes ,狀似雞蛋仔,吃法一樣,不過一啖一個,變得更有口感,對邊廂朋友就係吃緊呢個了。(添飯茄墳教路,荷蘭文的tje其實就是解little的意思,在什麼東西後面加上tje就是即是小小的xxxx咁解。你扮cute的可以在自己個名加上tje咁就可以了)

由於pancake太好味,第二天要encore,繼續吃pancake,這次只是在市中心內的museum cafe吃,這次當然吃咸的了。荷蘭傳統的咸吃法就係芝士加磨菇了,而我地今次吃呢個就係接近傳統咸食方法,十分香口好味,又係吃到飽飽了!

amster7_01

如之前提及,even 在museum裏的cafe 也不算好貴,吃呢個芝士磨菇煙肉的pancake大概是五個幾euro,吃得飽飽了。

其實一直以來本人真的是十分喜歡吃pancake,而家吃完荷蘭pancake 更加是真心愛上了。簡單來講荷蘭pancake已經將pancake變為pizza一樣,乜野都可以放上去。而佢果種香味同質感比起pizza 更是好味。點解pizza 可以咁盛行唔係pancake呢?真係唔明

橙遊之六【一條船】

hetschip001_effected

不經不覺,寫了這個阿姆斯特丹之旅已經兩個月,是時候加速把它寫完,大概還有兩三個章節吧,好。

這次是短的,因為主要是介紹兩樣東西,先是一條船,就是Amsterdam School建築風格的基地Het Schip。話明係條船,Schip 好簡單地明白即係ship。而Amsterdam School建築風格乃是屬於二次大戰前的expressionist建築風格,愛將建築與工人平民階級牽上關係,所以大部份此風格的建築都是學校或是住所。

hetschip02_effected

Het Schip 現在保留原貌,卻有一個小小的museum 給人參觀,可以了解建築風格及內部結構。內裏的風格十分有型,你睇office仲要用咁舊的imac,真係好有趣,而且配色感覺像回到8bit 或16bit 遊戲機風貌,似紅白機,總之空間好有趣。外面風格對我來說有點卡通化,充滿想像力,常常有些胖胖感覺。

Het Schip 偏離一點市區,但不太遠,踩單車只需十至二十分鐘,而且沿途風境也好好,值得去。有趣在其實本地居民也不太知道有HET Schip的存在,像添飯茄墳告訴佢老豆老母及朋友,無不R頭。

hetschip003_effected

Het Schip還有一個小小的Lunch room(發現荷蘭喜歡用Lunch Room這組字)。Lunch room 小卻是簡約設計,十分舒服,而且花園放了一些已不再用的舊公共設施,像室外尿兜(!?)到郵筒。而且博物館來說食物也不貴,可以試試kroket或是細版本的Bittenballen,是荷蘭獨有的勁炸的東西。不過當日我地去到佢地冇做kroket,唯有吃呢個syrup加goat cheese 三文字,oh,一樣好吃。

ALbum@flickr

橙遊之五【建築隨處隨看】

amste_005c

坦白說,未到阿姆斯特丹Amsterdam之前我真不知原來有那麼多Dutch Architects 是在世界那麼聞名,亦不知道原來Amsterdam其中一最吸引人之處是其建築,老土一點,我會說它是一個建築萬花筒。

Amsterdam其中一犀利之處是基本上你去唔同地方會可以見到唔同風格的建築物,新的或是舊的,前衛或是中世紀,你都可以找到想看的。像是新島區Ijburg便有不少有型o既建築物,但因為本團團長添飯茄墳覺得呢度偏離市區整體建築冇個性,所以佢自動幫我skip 左呢個aread,sorry。哈。

amste_005a

另一個地方係其中我最喜歡的一條紅色橋,應該係兩條,都係連接Borneo和Sporenburg島的鮮紅色橋,傾傾斜斜,好似飛龍。而呢一區就有另一個網上大紅的建築物The Whale,其實不過係一個住所大廈,犀利得佢。

amste_005b

旁邊的港區Java-eiland就係所謂的YUPPIES優皮士地區,d 樓全部都係呢十年八載起,全部都各有個性,十分靚。

當然,造就Amsterdam 可以新舊建築物都咁頂盛係因為佢地土地需求大,人又多,所以不斷填海不斷開發新地區啦。另一個有助其建築版圖o既當然係佢地夠平,所以睇起來都比較易又比較壯觀,實在冇得頂。

好,下一程去睇船。

橙遊之四【荷蘭屋企荷蘭菜】

amste_004c

是,是這樣的,添飯茄墳的家人請本人吃一餐正宗荷蘭菜,所以我們五點鐘左右便回家吃飯。究竟咩係正宗荷蘭菜,其實正宗呢個形容詞都好problematic,本人覺得只要係荷蘭人手煮出來o既菜就叫做正宗囉。咁如果佢地煮咕嚕肉又點計,如果佢地claim 佢地煮o既係荷蘭菜咁我都會count 佢做荷蘭菜,哈。

amste_004

返到去佢地已經set 好哂枱,由於天氣好,坐出面。又由於天真係好得不得了,真係好太陽到反哂光。咁樣佢地就拎左兩個大煲出來,一個裝住類似smashed potato的東西,另一個就係巨型肉丸。呢個荷蘭菜就係叫「stamppot andijvie」,其實簡單講就係將smashed potato 加埋唔同的菜,然後同肉丸同果d 肉汁一齊吃。簡簡單單,但都好吃。肉丸製作方法似獅子頭,撈埋一d 薯仔咁。而smashed potato則因為有d 菜而變得有咬口,同埋佢地加左頗多pepper,比一般好吃。傾下傾下,先知道原來呢餐飯係佢細佬Joep煮的,佢呀媽只係幫手批薯仔皮,哈,真係麻煩哂。

amste_004b

吃完正餐後就快速咁吃甜品,呢個Vlaflip用yoghurt加佢地dutch 類似custard 的Vla撈比Jam watery一點的Jam加埋sprinkleS 等等東西整成的一個甜品,感覺有d 似英國的Trifle,甜但不太甜,簡單又好味。

我諗歐洲菜大都傾向簡單,唔同中國菜咁多花樣。雖然只係薯仔加肉加一個甜品其實感覺都已經幾rich。再加上飯後飲酒再隔一陣又芝士又nibbles 又茶又咖啡,十分飽滿。當然,飽滿亦因為添飯茄墳屋企真係十分好客十分满溫暖,佢老豆呀媽十分隨和亦幽默,不時講笑不時搞笑。佢地一聽到我住廿二樓即刻話我唔會來香港探你啦。聽到我廁所有隻龜旦時亦十分不可置信,笑騎騎,哈哈。

在那一時刻我亦開始相信荷蘭人真係著重家庭觀念。亦相信原來荷蘭人真係有幽默感。(當然,我都遇過一個頗悶蛋的荷蘭人:P)

fLICKR

橙遊之三【在橙國看的地球係方的】

amste_003

Amsterdam 大部份土地都低於水平線都唔係新聞,地平都略有所聞,但原來成個城市都係冇山都係去到先知。地平唔只有利踩單車,原來睇呢個世界會易d,仲會有不一樣o既o既觀點。

我地果日就踩左去遠郊地區,經過田野近距離接觸羊咩同牛牛(其實頗想落車同佢地影相),經過沿海地區的一帶樓,冇錯,呢度就係小鎮Durgerdam,根據wiki話佢有四百三十人住。我相信如果我活於未知道世界係圓o既時代住響amsterdam,我真係相信呢個世界係有盡頭而且地球係方o既,因為企響Durgerdam度望出去,你真係好似睇到d 水係一下子跌左落去咁,唔係講笑。

不過仲有段小插曲,當日由於踩效區一d 石路,我架單車(應該話係添飯茄墳)呀媽架單車爆軚,我地就響前面一個小小鎮停低睇下有冇單車舖之類o既野。點知係冇o既,話其實有但放假去左旅行咁。好,再走前一d,去到一間士多,再問人,佢地原來有架衫可以補軚,咁我當然跳起yeah 啦。

amste_003_b

補軚工作當然由添飯茄墳負責(我真係識鬼咩),不過佢都原來雞手鴨雞咁樣。簡單來講佢根本搞唔掂,好彩士多度有幾個男人響度飲啤酒,見到呢個死o靚仔咁渣,就間唔中拔刀相助,搞左成大半個鐘有多(其實大部份時間都係佢搞唔掂而飲緊酒果三個男人見到就幫佢解難,佢就繼續搞然後又再搞唔掂。)當時場面就好似老豆幫個仔整單車咁。好,最後終於搞掂,添飯茄墳仲好有禮貌亦好搞笑咁走向三個人面前同佢地say thank you 要握手道謝,哈。

事後本人當然問點解你咁渣,原來添飯茄墳話佢踩左十幾廿年單車,只係爆過一次軚,仲係好耐以前,所以佢唔識補喎。踩到呢度,已經要掉頭走,因為要返佢屋企吃一餐Dutch Dinner,正宗荷蘭菜。 :P

下回待續

fLICKR

橙遊之二【Jens Lekman與七個小矮人】

amste_002_b

應該是說有緣吧,竟然又是幸運地,我到訪Amsterdam的時間剛巧也是Jens Lekman tour到Amsterdam的時間,所以終於可以如願,看到他的現場演出!

Jens Lekman表現地點是Paradiso是Amsterdam內其中一個最重要的表演場地,翻看Wiki,基本上大部份神級樂團如Pink Floyd到U2到Talking Heads到The Clash都曾在此開show。Paradiso是由19世紀的教堂改建內部而成,地點原來就在市中心,踩踩單車忽然間就到了。

泊好車便走到Paradiso門前排隊,當晚有不少英國人在場,英國口音四處飛。Paradiso其中一最頂癮地方係入場睇show 係一定要做佢member,即係無端端要畀多3歐羅。當晚其中一奇特地方係在台前通常是跳舞企位的地方,竟然放了桌子與椅子,那種圓桌圍了兩三張椅子那樣子,讓我聯想起歡樂滿東華或是那些名星間的頒獎禮或是酒會,幾騎呢。

當晚另一開心大發現就係荷蘭人真係特別高,最近看報導知道原來他們比德國人更高,是全歐洲最高民族,平均183cm(注意,係平均,即係冇講性別,即係男女都平均183)。原來身旁的那位大概有185cm的荷蘭友添飯茄墳在荷蘭standard也只是平均甚至是矮,因為在場人士全都比我至少高半個至一個頭,呢種體驗係even在挪威都冇的。當我戲言全場矮過本人的應該不超過十人,而呢個時候身旁的添飯茄墳便說了一個本人認為是他的代表作的笑話︰「我估全場有六個人矮過你,因為there are 7 dwarfs」….

我也問佢咁響荷蘭矮真係好慘,響學校一定做人笑柄,佢當然話,係呀,通常都係架。矮人真無奈。

說完笑話回到音樂部份,當晚有Khaela Maricich (The Blow) 當support act,
也許是under budget 的關係,沒有live band,孤身上陣,不過頗有Jarvis Cocker 上身感覺,也就是極為神經質的那種表演者。

到Jens Lekman,原本擔心他的這次tour會是小型tour,不會帶太多人一齊tour,因為我鍾意佢有接近成個orchestra backup的arrangement。除了唱了幾首新歌,大部份還是上張專輯的歌曲。他的現場也真是十分掂,每首歌都有適當的新點子及編曲,而且搞笑o既佢亦原來十分鍾意配合動作來製造效果,總之好好睇。這個網站有一些很好的相,去睇下

amste_002

基本上第二日的行程就是踩單車在市中心略略走走,認識一下市中心大概係點,當然,中間亦不乏坐低抖抖飲杯咖啡食個lunch飲杯啤酒咁。夜晚返佢屋企吃晚飯然後夜晚就是去看了這演唱會。看完演唱會出來,天已黑,發現夜晚的Amsterdam一樣咁熱鬧,尤其一出來我們便身處Korte Leidsedwarsstraat這條全是酒吧的街,進入了一間添飯茄墳平時去開的Pub Café de Spuyt,格調奇好,正在播【OK Computer】,音樂音量剛剛好,不會嘈聽不到人講咩。啤酒種類亦多到驚人,當然有聞名已久的大量不同Belgian Bier。果一刻我先明白難怪身旁這位荷蘭男仔會成為一個酒鬼。(不過回來google 一下,十分搞笑,原來他們有兩隊球隊,一隊排球一隊藍球,將酒吧同sport clubs 結合,十分勁。)就咁大概坐到一點左右,依然係踩單車返歸。

(再次提醒,Flickr有更多相)