立起心腸來為長角翻新，唔，網頁確實是花人時間的東西。

哇，仲有好多野要執@@

你有冇野講？

撥開雲霧見青天，其實很不make sense，如果撥得開，那一早便不會有雲霧蔽青天的情況啦，所以呢，處身在這個經濟壞氣候，我不是首當其衝(亦不是次當…)的受害者，但活在環境下的人怎能不受環境影響，陰雲滿佈，也順手遮掩了一下大家的陽光。

世界經濟的差，其實不一定是大壞事，只是大家都要咬緊牙關，有失也有得，股票炒不到，蝕了錢，那就蝕了就算，是個教訓也是個啟示吧。

至於如果連國家也要賠了，那就教訓未免大了一點，所以我也很關心冰島這國家的命運囉，冰島啊，冰島，一個這麼可愛的國家，我不想有什麼東西會影響到你，冰島呀冰島。

搜羅一下，家裏還剩下一張冰島幣，五百ISK，現在值多少錢呢，錢多少也沒所謂了，其實也只是一張紙，紅得假，紅得詭異，似陰司紙，亦即像異境的錢幣，符合冰島的冷酷仙境感覺。

願冰島，乃至全世界的經濟也能夠見青天。

收到朋友send 來麥浚龍的《林民龍》MV，不禁又要說聲有錢大哂，動畫本身做得不是太出眾，然而Art direction 卻做足功課，色調與光度都調得靚靚，香港製作來說確實驚喜，不過，雖然MV 本身出眾，卻與歌本身根本找不到任何配合之處，畫有畫走歌有歌走，有錢大哂，有錢做靚Moving image，但音樂唔識配合，浪費，side 料。

你話偏見又好，憎人富貴厭人窮又好，我就係唔鍾意麥浚龍，有錢人從來在社會都係要受眾夫所指，尤其是出身有錢家族的有錢仔，坐享其成，能夠受眾夫所指是你畢生的幸運，因為証明你係萬中無一的有錢人，所以可以唱片賣唔好繼續唱，長唱長有，獨立廠牌，自家刊物宣傳，然後又可以話自己有品味有心機生意人，其他一樣紅唔起的歌手，出左一兩張唱片就bye bye 左啦，義正詞嚴話人家對你有偏見，不如實實際際諗下自己的待遇因為pure luck 而坐享的家底幫助你自己幾多啦。

廢話一輪，說回正題，然後send 給一班同學仔看，幾位不約而問︰「呢首歌軟硬架嘛？關juno 咩事」，然後相同comment 亦出現「同首歌唔夾」，另一位對動畫研究甚深的J君說︰「我想睇好耐，聽聞話做左六個月」，睇完後就話「六個月可以做得好d 囉，而家ok 啦」，跟手跟我講最近有個animated MV 好好睇，我二話不說即估到係Radiohead的《House of Cards》，由當初第一次經pitchfork介紹，到littleoslo的分享，再由另一位友人推介，今天再由另一位朋友禮尚往來我send juno 佢send radiohead給我，冇法，真係精彩。J同學更叮囑要看making of，話d 儀器好勁，自已睇。

當然，將《House of Cards》與《林民龍》比較是絕對不公平，你亦唔會以為我將佢地比較嘛。

改了無數次版面的Last.fm又 轉了新版面，也不錯，看看多了什麼新東東，看到一版叫Music Recommended by Last.fm的一欄，便click 來看來，看完則只想說一句FUCK，在我的top list recommendation 是容祖兒，其次是林一峰、鄭秀文、側田、陳慧琳，可能我對recommend 這字要求頗高，recommend 通常指推薦一些「好的」、「適合別人」的以及「別人未必認識的」東西，你介紹我聽容祖兒算什麼意思呀last.fm？

我不是想generalize咩大學生又或者乜乜，但花了少少時間看了一些同是來自Shitty U的人而又剛去了oslo的人的xanga，讓我都是感到很差的感覺。

唔係話咩，好多shitty U學生都係中產子女，中英夾雜寫xanga，但好多時中英文字都錯到七彩，令人好吃驚，點解大學生中英文水平真係可以咁差……再者，雖然我不想批評別人寫的東西，但從他們寫的內容，又讓我聯想到他們是一群發出銅臭的中產兒女，不是吃就是看戲唱k好想睇avril lavigne個袋好靚云云，我知每人生活方式也不同，但讓我看得最多的卻是這類的xanga，很要命。最變態還是通常他們都是喜歡在xanga內寫臭其他人，是對某些人不滿便在xanga 內寫乜寫物，又例如可以話某個professor 好對佢地咁樣，最後令佢肥左果科，佢憎死個professor 憎死間學校，話一定要上訴到底咁話。

加插︰
中文︰我系最五明點解拒地要禁樣寫xanga 呢，利緊返大學又會見到咁多呢類同學仔，感樣點算窩，我d 同學穩野做又穩成點呢五知……
英文︰
Rainer days all day, everyone love me ar, I go jor school, I so miss oslo ar,i will eat all the things i haven’t eat for half year ar….

我真係唔係想generalize呢類大學生，但唔知係因為我讀shitty U特別多呢d 同學仔，定其實大部份大學生都係咁樣，well，其實我只係睇完佢地去挪威的相，令我產生複雜的思想，從而影響我的情緒，再覺得他們浪費了一個這麼好的地方罷。也許。呻完。