【赤壁】一場笑片

我自問沒有點睇過吳大導的大作,亦一向對古裝大片冇乜好感,去睇都係因為與朋友一起去睇下戲傾下計,但想不到收穫喜出望外…一來懶,二來不敢從小人口中去踩前輩,在新聞組看見一些頗是本人心聲的comments,就copy下來。

“RaymondEdmondEdison” wrote in message
news:4879f51f$1@news.3home.net…

真的很差:< 不計合不合理, 演員計,梁朝偉完全不入戲,似在演現代片的靚仔角色, 亦充滿喜劇感… 金城武第一下出來好好 因為未需要演戲,造型同神髓捉到 但慢慢演出來則似d 喜劇中的大臣格, 不行。 琴交心果段,真係拍得好差,冇張力,音樂都可以執好d, 真係拍得好流@@
一諸葛亮同周瑜一齊時,似係輕鬆劇在搞笑多於兩個智雄在賣智,極鬆散…

小喬同梁朝偉關係做到唔係纏綿,而係意淫得來又不到肉,佢地一出現就頗難頂。
張震個造型好似照dub 以前佢d 戲d 造型,佢唔適合carry 孫權,一來太瘦,二來面型等都沒有古代英雄感…
最為滿意算係曹操,趙雲收貨,趙薇其實做得幾好,但對劇本身影響不大。

再講劇情/內容,真係一套笑片囉,關羽初出場真係大笑,三國無雙?
最後八卦陣,大佬,龍珠/幽遊/星矢乜都好,逐個英雄顯功夫都拍得好睇d,
圍緊人無啦啦做乜單刀,張飛仲要係大笑位@@周瑜飛出來有點WTF 感覺…
我完全從呢場戰爭中睇唔到佢地兩個係咁犀利…

再technically speaking,cinematography 真係出奇地差
係咪吳大導冇經驗拍大場面大製作,d tracking shot, camera movement 都好差,
簡直似新手作,唔知邊個幫佢做攝影同cam man,有幾幕仲要有d 似用handy cam的awkward
感@@
d 大場面真係好少可見拍得咁差,大佬請得咁多臨記咁大場面真係好難想像會拍得咁…

套戲最對路的係魏果邊的描述,其他真係好多GAG 位…
我都估唔到吳大導拍左咁耐套,D 手法技巧可以拍成咁

漏左,八卦陣果度果招收人入盾度,都頗好笑,我覺得頗有睇The Saw 果d 機關咁o既感覺@@

仲有,張飛頗有古代中國版Hulk的感覺:P

“傑傑” 撰寫於郵件新聞:4875a70f@news.3home.net…

粗疏得令人失笑……
尾場白鴿飛過戰船的特技竟然有墨攻的水準真的令人汗顏
百萬軍中藏阿豆又係揹背
關二哥mark哥式有青龍掩月刀唔用,一早掉出去插死個茄呢啡,然後搶人地d槍黎用,用完一支掉一支,好有楓林閣況味
張飛赤手空拳殺入陣中唔梗要,但連續兩三個好似李健仁沙灘慢鏡式衝開d矛同撞馬,效果出奇地爆笑
周公瑾練練下兵走去同細路吹蕭,番到黎又幫阿伯捉偷牛賊,然後有人走來話 “難產呀”又即刻走左去…..練兵練得好唔認真…..
你以為小喬難產…?梗唔係,係隻馬難產,跟住諸葛亮一齊黎埋一齊接生馬仔,周瑜,諸葛,小喬一齊幫隻馬改名”萌萌”…..爆笑程度頂班
八掛陣用隻烏龜黎表現唔梗要,唔駛最後dissolve落隻烏龜度掛…..
千軍萬馬,但竟然多次見到陣中將士唔知自己應該點然後拎住支矛前前後後咁行黎行去……..
小喬係全戲最大笑位……佢的演法真係好難頂
梁朝偉完全不在狀態,唔知自己做乜,當然都唔知導演做乜
金城武都唔知自己做乜
曹操本來幾型,但最後竟然一大敗北,為小喬去打東吳唔駛要,唔駛整場咁on居而白痴的場口來說明吧……

又話拍左八億,但比起小一半錢的投明狀好似差好遠咁,場面係大,但完全沒有戰爭情緒,唯一好係將打仗的陣法拍得很清楚……但每個細節都好粗梳,成日見到d老臨響度笑同拎住支槍唔知做乜……..

最後既兩個鏡頭最勁…..套戲本應完,但落左個下回預告,周瑜用個火把仔點著d模型船,然後打出赤壁之戰四個大字,然後再出請看下回……個字體係好肉孫的立體紅字,整個感覺好似八十年代呂良偉的西楚霸王feel….

值得一提,在旺角看,看到八掛陣時,現場觀眾真的如八掛陣般在銀幕前和四處走來走去爭相去廁所,中途有好多人離場,而且笑聲不絕……!!

延伸閱讀
《赤壁》Red Cliff —— 吳宇森之死
《赤壁》–被美国化的香港电影


10 Responses to “【赤壁】一場笑片”

  1. sonus_cat

    因為預期會好差,所以沒有想像中那樣差。
    不過幾肯定 金城武 是成堆演員裡表現最差那個。
    如果為金城武入場,肯定失望。

    [我是為2個張來看,結果他們2個未到
    Vanessa Redgrave 那種爛角色演成好角色那種級數。]

  2. 吳宇森矢言讓周瑜回歸史實中的一代奇才,儀表風雅,文武雙全,梁朝偉算演得不過不失,只錯在本身神貌與周瑜相去甚遠。
    吳大導同時表明要褪去孔明演議中的神話色彩,
    事實上一個三十歲未到,聰明幽默,初出茅廬的小子,金城武絕對演得對位。
    個人認為最差是張豐毅,全無曹操該有的胸懷與霸氣,
    事實上大家對三國本身抱有好多成見,
    《赤壁》要考慮的觀眾取向好複雜,但還算做得不錯,
    只是劇情安排確實爛,八卦陣後全悶場讓人費解…

  3. 陳大文

    hi Casis ,
    金城武演成怎樣,我看到blog 上一位朋友說得更對位,
    似江湖術士,確實演得像江湖術士。

    八卦陣後的文戲也不及八卦陣本身的劇情差勁呀

  4. sonus_cat

    最慘是並不聰明的江湖術士,
    金城武好多時比人感覺演得驚驚青青,蠢蠢地。

    曹操這個角色本身寫得差
    (梟雄=>笑熊),
    張豐毅不是最差那個,
    但以他的演戲資歷,
    應該有能力演活這爛角色。
    他的演出絕不收貨。

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>