August 14, 2011 挪文

今年Oslo的Øya Festivalen真的是異常精彩，睇了三年了今年真係好犀利，當然，Pulp係令成件事昇華的原因，但overall都真係好正，慢慢分享。

其中一小趣事係當看120 Days表演時，最後Guest Drummer掉出了鼓棍。響電光幻影的果一瞬間，我只係諗畀佢掉中塊面都應該會痛喎，中眼仲慘。點知哎呀，中左我膊頭，鼓棍當然就係咁跌左落我腳旁。望了鼓棒兩秒，突然間隔離的人一腳踩落去，我亦本能好快手咁執起左支棍，但跟住我的動作亦好自然咁將支棒遞左畀果位男仔。果男仔疑惑眼神望住我，類似是問，sure?我就一手送左支棍畀佢了。遞出後，我突然意會，咦，點解咁好人，有少少後悔，但係果刻又諗，冇計啦，我份人就係唔鍾意同人爭野，通常要爭的我都寧願唔要。其實我份人就係太好人，哇哈哈。

當然，朋友同屋企人都問，點解你咁傻唔要左佢呀。確實，我果一刻已經好滿足，120 Days的live真係超好睇，又發生咁有趣的事，雖然冇實質的鼓棍，但係就有呢個咁得意的故仔畀我成世人同人講，仲好啦。我咁諗，鼓棍不過是身外物o者。

然後事後發現最後拎左支棍的人係我在festival做義工識的一個朋友的朋友，世界真細小。