由麥浚龍到radiohead
收到朋友send 來麥浚龍的《林民龍》MV，不禁又要說聲有錢大哂，動畫本身做得不是太出眾，然而Art direction 卻做足功課，色調與光度都調得靚靚，香港製作來說確實驚喜，不過，雖然MV 本身出眾，卻與歌本身根本找不到任何配合之處，畫有畫走歌有歌走，有錢大哂，有錢做靚Moving image，但音樂唔識配合，浪費，side 料。
你話偏見又好，憎人富貴厭人窮又好，我就係唔鍾意麥浚龍，有錢人從來在社會都係要受眾夫所指，尤其是出身有錢家族的有錢仔，坐享其成，能夠受眾夫所指是你畢生的幸運，因為証明你係萬中無一的有錢人，所以可以唱片賣唔好繼續唱，長唱長有，獨立廠牌，自家刊物宣傳，然後又可以話自己有品味有心機生意人，其他一樣紅唔起的歌手，出左一兩張唱片就bye bye 左啦，義正詞嚴話人家對你有偏見，不如實實際際諗下自己的待遇因為pure luck 而坐享的家底幫助你自己幾多啦。
廢話一輪，說回正題，然後send 給一班同學仔看，幾位不約而問︰「呢首歌軟硬架嘛？關juno 咩事」，然後相同comment 亦出現「同首歌唔夾」，另一位對動畫研究甚深的J君說︰「我想睇好耐，聽聞話做左六個月」，睇完後就話「六個月可以做得好d 囉，而家ok 啦」，跟手跟我講最近有個animated MV 好好睇，我二話不說即估到係Radiohead的《House of Cards》，由當初第一次經pitchfork介紹，到littleoslo的分享，再由另一位友人推介，今天再由另一位朋友禮尚往來我send juno 佢send radiohead給我，冇法，真係精彩。J同學更叮囑要看making of，話d 儀器好勁，自已睇。
當然，將《House of Cards》與《林民龍》比較是絕對不公平，你亦唔會以為我將佢地比較嘛。
有火,好氣
的確”林民龍”的MV 有一種不襯的感覺，像為動畫而動畫，為另類而另類。
雖則如此，但香港有動畫的MV，的確幾有驚喜。
對上一次有驚喜的MV是香港樂隊Innisfallen的Butterfly Effect 的MV。
呢隻MV 真係浪費。
配一首感覺完全唔同的歌，係想點？
係想話俾大家知佢非常有錢，閒閒地是是但砌出來都好睇？
唉
係呀各位
:< Cityben Innisfallen的Butterfly Effect 的MV 係好睇:>
唔夾 .. @@
溝女落重本
isa,
wahaha:P
就是九唔撘八
“林民龍”首歌同個MV動畫真係無關, 完全浪費錢…. 做左半年先至係咁真係麻麻… 人地 新海誠 仲係one man band 做出來動畫仲好過佢好多.唉.. 想人地覺得佢店都要爭氣d 啦, 我都唔想係”憎人富貴厭人窮” 的一員。
—————————————-
新海誠 的初期作品,「ほしのこえ」
http://www2.odn.ne.jp/~ccs50140/stars/index.html
hi 小丁
新海誠我朋友都好歡喜佢
但自己仲未睇過
要搵來睇:)