掉蕃茄掉蛋掉蕉都難發洩心頭憤

「他離開會議後又對記者表示,出席答問大會本是是討論問題,但受到個別議員的破壞。希望市民多加討論,究意議員需要一個怎樣的文化,相信市民都會珍惜包容的文化,珍惜既有的核心價值。」

不知所謂。

我地當然唔鍾意流氓,但其實我地更憎衣官禽獸,笑面虎,虛偽的人,偽君子……曾蔭權,扭曲事實,利用傳媒,分化港人,你任職以來呢d 未係你的成就囉。

我用左好多時間在面書因呢件事上討論,真係好洩氣,基本上仍然有人對「掉野就唔o岩」理由就反社民連。Okay,我覺得鍾唔鍾意接受唔接受buy 唔buy 好personal,但如果你唔鍾意社民連但睇唔出究竟呢件事錯在邊個的,咁就冇野好講。

再搞笑的,係有人將掉蕃茄掉蛋變為十惡不赦,同殺人放火一樣。呢個真係冇野好講,最基本的不同都分唔出,咁我真係覺得討論落去冇意思,因為好明顯呢d人基本的分析能力都冇。

同時,講返掉蕃茄,點解要掉蕃茄?既然佢地係爛仔,點解唔爆佢樽,拎摺凳!?呢個就係同殺人放火的分別囉。其實由古時開始,掉蕃茄掉爛生果蔬菜就係一種對手無寸鐵,身無權力的市民的一種有力抗議,表達不滿的表現,重點亦係呢種係一種「非致命」,打你唔傷,殺你唔死的表達。

中古外由好耐開始已有呢個傳統,睇電視電影我地都睇唔少,對遊街犯人大惡之徒掉爛菜爛果,唔係因為果d人冇禮貌,而係佢地對呢d 十惡不赥的衰人睇唔過眼,難服心頭憤。掉蕃茄文化再發展到戲劇同埋二十世紀初早期電影,對差的表演,對不喜歡的演員,掉蕃茄以達不滿,因為佢地係畀錢入去的人。

一九二幾年曾經美國有一個肥演員Roscoe Conkling “Fatty” Arbuckle 被懷疑強姦並導致整死另一女演員,美國不少市民都十分嬲,除左罷睇佢o既戲,d 人做 d 咩?未就係掉蕃茄落佢d posters 度囉。

我想講咩?其實掉蕃茄係一個屬於平民百姓無可選擇下的一個表達不滿不公平事的和平手段,有漫長歷史及傳統。我冇話掉蕃茄係一個好好好好好值得鼓勵的事,但睇野睇全套,當對住一個無乃高官,用權力阻你發言時,如此委屈,真係掉一百隻雞蛋都難洩心頭憤。


Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>