挪威世界最長電視節目︰134個鐘海灣遊!

挪威官營電視台NRK一向都好夠膽,當其他商業電視台主打播美國娛樂節目時,佢地就極力做Documentary同買英國同北歐電視節目。仲未夠癲,知道挪威景色靚,由Oslo 奧斯陸到Bergen的八個鐘頭景色靚,所以要將全程景色拍低,再原汁原味在電視播放,八個鐘伴以本土Country music,無添加,無剪接,一集過。仲要注意喎,節目在黃金時間播放,你估好似無綫咁將文化節目放響晨早未起身時間咩。

當之前的火車節目得到「一致好評」後,NRK便決定將另一出名的Hurtigruten(直譯意思係Fast Route)船旅程拍成電視節目。船程由Bergen為起點到Kirkenes到終點,沿著西部海灣到北部海灣接近將整個挪威遊完。好,變成電視節目又係原汁原味播放,好,咁船程幾耐?五個半日,哈哈,一百三十四個鐘,由挪威聽日六月十六日夜晚七點九開始播,播到六月廿二日中午三點五十分,正不正?我就話超正!我要睇足五日半!

當然,大家會問,點解五日半都要叫做「快路」?因為船航響1893年已存在,因為科技發達令到可以行得更快,令以前不可能的任務變成可能咁喎。

我愛(挪威)State Channel!


【Made in Chelsea】打開名人版的八掛

madeinchelsea01

要總結最近英美電視,我會咁樣總結,美國應是【Game of Thrones】的世界,傳統epic 的中世紀小說改編,故事世界觀複雜到爆炸;英國方面除了【Doctor Who】外,應該係被最新的假Reality TV搶了風頭。這次要講的係玩過反叛青春【Skins】,玩過Nerdy宅男【Inbetweeners】後,E4的另一巨獻【Made in Chelsea】。

有留意英國電視劇的,會知道上年的一套【The Only Way is Essex】突然成了大紅劇集。呢套戲頂癮在係開創了新的一個電劇Genre,有人叫佢做Reality Soap,有人叫佢做Scripted Reality。甚實英國一直仍在Explore Reality show的可能性,估唔到以庸俗到爆炸,講述一班有錢有地位的愛情生活會咁受歡迎。講到尾,其實好多人都係鍾意睇愛情劇,或者係睇當中果種有無限可能性的角色與角色的張力及火花。

或者你仲未知道咩係Scripted Reality show,簡單來講就係搵一班真正存在的人,用佢地真名,用真人當characters,然後搵佢地拍一部有關佢地真實生活的電視劇。Guardians筆者這樣來形容”real people in modified situations, saying unscripted lines but in a structured way.”。就好似【The Only Way is Essex】每集開頭就會嚴正聲明︰胸可能係假,膚色可能係假,但人真係真架。

成件事另一有趣的趨勢係喜歡以地區性的Stereotypes來作出發點。【The Only Way is Essex】係focus 在Essex 的空洞庸俗的Stereotypes。但新的對手【Made in Chelsea】則係以London最富貴最middle class 最有錢最扮野的stereotypes著手,係一班有錢的廿歲出頭的靚仔靚女。

其實呢個新電視genre最過癮的地方係,其實成個show 擺明係假的。將真人變做演員,將假事變做真事。將Documentary及reality show 及drama 放埋一齊,真係好詭異。【Made in Chelsea】更勝前者係因為佢係走高檔專業路線,畫面、Cinematography剪接等都靚而有型格。同埋佢真係同樣唔介意畀人知道呢班有錢年輕人甚至富二代的生活有幾vain。佢神奇在係全套戲其實只係以對話來帶動,但係已經將角色與角色的張力帶出來。可能對話是較容易掌握的演技,所有「演員」都真係十分好戲。成套戲另一弔詭係,佢直頭冇好似Essex咁講明D 人係真或者點,佢將果種做戲同真實混合得簡直係假亦真時真亦假的地步⋯⋯同埋,【Made in Chelsea】其中一signature 就係每個scene 最尾都會留白,影著角色的表情數秒才轉scene ,呢個處理真係好神奇亦將好多emotions或想像空間帶動出來,真係好犀利。

madenchela02

當然,講到尾【Made in Chelsea】真係掌握了大家對高尙生活靚人靚衫靚景的八掛及嚮往。我地鍾意睇人地點有錢,然後又鍾意睇佢地三角戀四角戀或者點樣分手點樣Flirt⋯⋯⋯係,呢套劇真係好vain,但真係拍得好好睇,同埋確實係將呢個新Genre推到了神級的地步。

當然,喜歡再vain 一點,只有sex與酒的朋友,或者可留意Jersey Shore的英國版,在Newcastle拍的Geordie Shore吧。神奇地將紐卡素人變成俗不可耐的派對動物。


在比利時的人生當然有幸有不幸

misfortunates

那些不如意不幸運的人,是人生經歷過很坎坷不愉快的事的人嗎,還是人生一團糟卻不知自己的人生一團糟呢,這套比利時電影【De helaasheid der dingen(The Misfortunates)】的底蘊其實有點像在討論這個問題。

電影有關主角Gunther的童年,一個在作家事業道路上掙扎的大概三十歲男人,他的人生如何被他的奇怪童年所影響。Gunther居住於比利時,小時候與老豆及嫲嫲及老豆的三個兄弟一齊住,由於各種原因,幾個呀叔都係人生不得意返返同呀媽一齊住,而其老豆亦早與呀媽離婚。當然,同呀叔一齊住唔係咩大不了,大不了係佢老豆至佢三個呀叔都係癲的,煙酒不離手,粗口爛舌,醉酒鬧事⋯例如佢老豆響自己個仔面前點話自己個呀媽係淫娃蕩婦⋯⋯

電影好睇在係交代Gunther童年的事點樣同佢大個了的性格及人生糾纏,可以話絲絲入扣,老土D來講。亦好睇在點樣成功地將Gunther小時候的心態變化從唔同plots裏呈現,由對自己老豆及屋企的絕對忠誠到開始因為老豆的無理野蠻而將佢的心靈慢慢打散,雖然係based on小說,但選取的事件都何其精要何其具代表性。

電影調子輕鬆,但其實係十級的灰。想看一班生活在小鎮裏的比利時人的人生如何fucked up ,這電影便是了。

睇Trailer


挪威怪物獵人的幽默與真實的弔詭

trolljegeren_poster

【Troll Jegeren(The Troll Hunter)】 是挪威少有的大製作,以像【死亡習作】的手法出發,故事由大專生的作業開始,由調查無故熊人死亡事件,無心插柳上演遇上Troll 獵人的打Troll冒險。以娛樂角度,電影是十分出色的,基本上成功將喜劇與特技片、驚慓及Thriller成功混合,用1st person 的point of view製造到不少格外的張力(鏡頭的掌握及節奏等都係十分成功的),與Troll追逐的場面令你緊張之餘又不忘在不少細節上引你笑。基本上你只要知道他們找來Otto Jespersen這個挪威殿堂級Comedian演Troll Hunter,你就知道電影有多玩東西。

不過,亦因為電影本質上係一部喜劇,細節上解釋上都係用幽默感去表達,令到整部電影對我來說出現了前所未有的矛盾感覺。當一方面佢地用第一身角度handheld camera 去拍的時候,但其實整個故事是完全不make sense 的時候,我應該怎樣去make sense 整個製作?尤其是電影的tagline其實是「當你看時你便會相信(Du tror det når du ser det)」。當然,我不認為這是一個問題,這只是一個很paradoxical的思考而已。對我而言,電影整體就是給了一個國家級的家傳戶曉神話來了一個很肆無忌彈的幽默,純屬搞笑,扮真心,但其實不是真心的。

當然,電影最出色的莫過於電影用了很多挪威有關Troll的童話及myths作Reference,所以挪威人係會格外覺得過癮好睇,普遍挪威人對電影評價都十分之高,某程度都幾culture specific,不過,像我這樣子非挪威人也一樣看得笑到騎騎聲,只係笑的位置有差異罷,哈哈。

Teaser


倫敦妓女的私日記

secretdiary001

講真,我曾經以為自己不再喜歡看電視劇,對不起,這是無綫電視TBB給我的錯覺,身在香港,給用PROGRAMMING Generate出來的電視劇所轟炸,我真係變得對電視劇冇好感。一段時我仲同人講,我唔點睇電視劇架。

不過,自從投入了英國電視劇的懷抱後,我就好似上左癮咁特別喜歡英國電視劇,因為一來沒有美國電視劇的formula,二來英國電視劇的題材較多元化,由detective到講teenagers的定位都定得好到位;三來就係快狠辣,看得特別爽快,就好似【Secret Diary of a Call girl】。

我也是因為偶然在挪威電視台上看到一集【Secret Diary of a Call girl】先立即一次過睇哂所有三個series。從來itv的電視劇都一般般的,但今次卻真係entertaining、庸俗得來又真係捕捉到角色的內心世界,好野。

secretdiary002

電視劇是based on 在英國轟動一時的Belle de Jour所著作的兩本暢銷書。女主角則由Billie Piper所擔任。簡單來講,Billie Piper 所飾演的Hannah或Belle其實就是一個妓女、雞、賣淫者、性服敄員等等(Escort, prostitute, whore…)。Hannah並非一般賣淫少女,二十多歲,完成大學,修讀英文,有學識聰明而且幾靚,卻因為喜歡sex同錢而當一個高級escort。基本上故事就係咁,解構一個平日就係Hannah,工作時就係Belle的二重角色的生活。

看Series one 你會為整個節目的尺度而感到surprised,因為一來Billie Piper真係好搏,二來有好多雖然係借鏡但係都極度露骨explicit的love scene。不過,撇除呢d 元素,作為一個半小時節目來講,第一季娛樂性真係異常豐富,Billie Piper一路慢慢披露自己的生活及工作,觀眾慢慢了解佢,而每集除左有娛樂位,亦提供左好多精簡到位又subtle的時間去畀觀眾知道角色的面對的struggle及矛盾,唔容易,亦都係點解第一個series 咁好睇的原因。

第二個series 基本上係進一步了解Hannah呢個persona 多於再係介紹佢工作上的待遇,亦引入了更多的現實prostitution的話題。當然,整個series 的主線係Hannah終於有一個真正男朋友,探討一個妓女其實可唔可以有真正生活及真愛。同時佢同Alex的呢個愛情線又真係處理得好直接好gripping,真係一定會令你繼續睇落去果種。

第三個series 在各方面都畀人感覺到在production 的層面上沒有之前的認真及有心了,當然,仍然保持到劇集的娛樂性亦繼續呈現到角色的心理,但整體上已踏入左tv series 的為continue 而continue 的感覺。但唔好理,依然好睇,去到series 3 啦,你仲想點。

secretdiary003

聽聞itv 已用天價開畀Billie Piper 叫佢拍series 4 同final series。哈,期待。

當然,我忽略左提Ben呢個角色,well,雖然去到series 3 佢個角色變得好functional 同over,但在series 1 同2 裏面o既佢,我諗,好多人都會明白其實好多人身邊都有個ben,或其實你自己就係Ben 啦。

【Secret Diary of a Call girl】係一部在production 或cinematography 上都好嚴謹好好睇o既作品,當然,Billie Piper真係好戲,將Hannah或Belle都變得好立體,亦估唔到其實佢真係「索」的。而另一本人最鍾意的地方,就係camera 同主角的互動,果種介乎1st person 的出發點的弔詭,佢對鏡頭的gaze 或者傾談,都係妙筆。

(唔好怪我,我用左十五分鐘打呢篇野,一貫風格,好多野做呀大佬)

隨口講一︰我而家先真係記得當年Billie Piper 出道係叫Billie,佢果時真係好難頂,我睇返佢d mv 而家先發現我真係仲識哼佢首《Girlfriend》同《because we want to》,之前看Doctor who 都醒不起。

隨口講二︰呢套電視劇其實只有大概廿四分鐘,食飯睇一流,亦都真係好好睇。已成為本人其中一飛佛。

隨口講三︰Billie Piper 大概是那種五官非美亦非人人接受的樣,但加起上來其實charming 或hot的女人,睇呢套劇我咁發現。我睇doctor who 冇咁o既感覺,甚至覺得佢真係頗醜。


夢亦有夢,【Inception】反轉三百六十度

inception

(冇spoiler的各位,即管睇)

看Christopher Nolan新作【Inception 潛行凶間】,基本上可以說抱有極大期望,亦可以說沒有期望,因為不大知道在片裏除了期待那些360度反轉再反轉的場景外,我還能期待什麼。當然,單是Hans Zimmer的那個重低音score 已經叫人夠吊胃了,什麼胡蘆賣什麼藥呢。

早由朋友口中知道電影獲得一致好評,再在飛機上看了幾本權威性的雜誌也對電影有讚無彈,拋開什麼Freud什麼是最佳有關夢的電影,唔,好,應該是比【Memento】的更勁吧這次。

自覺【Inception】其實像是【Memento】的荷里活頂級重製作,由主題到主角背負的命運及目標都確實有一定程度的相似。不過,Nolan並非是有大投資便忘記本質的人,相反,【Inception】讓我見識到Nolan或者是其中一個最有良知的導演,充分用盡荷里活式大製作的場面及特技,配合他那個字字誅璣卻未能成篇的故事主線。

【Inception】讓人見識到Christopher Nolan在說故事技巧到並行剪接的把握已是大師到不能再大師(還記得【The Dark Knight】裏的船爆炸那段的parallel 進行嗎,緊張到死了)。坦白說,我覺得故事來說,【Inception】是頗弱的,除了玩那些夢的概念及意識的東西,劇情主線其實是頗隨著荷里活大片型式的走向而走。Nolan 把玩的故事技巧,那些層層揭盅的洋蔥式說故事技巧,其實說的故事也頗是陳腔濫調。所以,最叫人犀利的係Nolan 的說故事技巧與及visual的效果完全補足這些故事結構上的不足,作為一套荷里活式Blockbuster,你還能要求什麼?

總之電影確實是愈發展愈有趣,到最後基本上你是無法抗拒這樣的一套sci-fi thriller的,太緊湊,太多場口太有趣了。只是我有一點頂不順Hans Zimmer在結尾的那段音樂,over 了點吧。


香港【Doctor Who】Doctor人選—【執到寶】甘國亮

matt

我由看《輪流轉》時已知道我會對甘國亮的電視劇著迷,果然,當昨天看《執到寶》時,我便知道點解甘國亮—這位小時候我常常只覺得他是位怪裡怪氣的「ball場明星」—會被捧到天咁高。

冇錯,翻查甘國亮的電視作品,原來連小學時鍾意睇,響朝早睇重播的《山水有相逢》都係甘國亮作品,你都唔好講笑。

我諗我會再出一個entry講《執到寶》有幾好睇,但呢個entry 係想表達我響呢位外表有d洋鬼子味道的甘國亮上的重大發現︰哇,《執到寶》裏面的佢真係同現任【Doctor Who】演Doctor的Matt Smith有七成相似,當然,神似多於形似(其實兩者都似),一直睇一直嘖嘖稱奇,哈哈。所以如果當年【Doctor Who】紅到香港有香港版,相信甘國亮都必成大熱人選。

matt_real