Sweet Baboo寫了很多好作品啊,但我只有六首,要用很多時間去聽了

Sweet-Baboo-Ships-Signed

最近有一隊很喜歡的樂隊,是呢,一直想寫但忘記了,是來自威爾斯Wales 的Sweet Baboo。Sweet Baboo其實是Stephen Black的唱作人化身,Moshi Moshi Records的他快推出新專輯【Ships】,暫時兩支單曲都是較upbeat 愉快的catchy tunes,與他之前較folky較psychedlic元素的作品稍稍不一樣。看著《If I died》的MV,加上歌曲本身的可愛本質與及搞笑歌詞,實在令我笑得騎騎聲。


Django Unchained的正義暴力,再看香港

一如一貫Quentin Tarantino電影,【Django Unchained黑殺令】好長。用一般電影語言來說,一定會有人說「這才是電影啊,每一格每一秒亦有用途」之類。確實是,【Django Unchained】長而不悶,緊張又好笑,玩western spaghetti西部電影這Genre(western spaghetti是美國電影六十年代的特別產物,有特別時代意味,是美國電影史必讀一章)玩得出神入化,由鏡頭用色到配樂都暢快有型得不能再型,難怪不少人都說這是他繼《Pulp Fiction》後最出色的作品。

對我來說,除了一貫大家都知道的事外,就覺得這次這個復仇主題實在是特別有力,處理得特別精彩。美國黑奴這主題是大家都不太敢處理的主題,將這樣一個歴史大背景fit in 到一個英雄式卡通故事,就令這部有如卡通的作品變得特別神奇。一般暴力電影最易令人反感的是電影的過份暴力,令人覺得這是over the top 太多。不過,【Django Unchained】就罕有地把這些暴力justified 合理化,以美國白人對黑人的暴力作backdrop,再把Django 的暴力變為一種「do it justice」的行為——即所謂的出師有名。

同時提醒我們的是,其實人類文名歴史還是很短的。百多年前黑人還是受盡欺壓,被認為是次等。這不過是百幾二百年的事。女人呀,性取向呀,一切一切,都其實只是在近百年的社會運動裏爭取的。看這電影我當然又聯想到香港了。看著Stephen這種對不公義隻眼開隻眼閉的人,明明是受欺壓的族群卻甘願出賣靈魂,對自己被欺壓的民族踢多幾腳,認同不公義的勢力。到最尾,他的下場就應是如Stephen 一樣,死得轟烈,血債血還。


《瘋狂歷史補習社》抄都抄得好D哇?

最近因為Facebook見人提到無綫新劇《瘋狂歷史補習社》,因此又好奇看看是否真材實料。怎知又中伏。

我也不想逐個點名說,但以港姐出身的楊思琦為例,大部份演員只懂扮小丑,出盡奶力仍R不出一聲笑;全因古明華的演藝基礎,才有他的部份有一丁點好笑,。最慘係所謂的歷史教育意義,講真,呢d故仔我呀媽由細到大都同我講啦,又有幾瘋狂有幾新有幾笑?

最致命當然係創意問題。此劇抄了兩劇,一是1991年本地亞視製作《歷史也瘋狂》,其次是英國BBC的《Horrible Histories》。前者1991年的亞視仲未有今日咁低B,翻看片段,《歷史也瘋狂》仍存有英國sketch show型式,配有罐頭笑聲,風格真係無厘頭搞笑,選材亦有心思,不是old news is so exciting 的料子。

要看這一個clip,ATV會玩Boy George,笑。

其次抄的就是2009年開始播放的《Horrible Histories》。《Horrible Histories》改編原名兒童書,雖然最初在兒童頻道CBBC播放,但製作水平認真,教育意義不在話下,重點是真的又抵死又好笑,節目格式由不同時代及主題構成,這點《瘋狂歷史補習社》就明顯抄得足了。《Horrible Histories》以生動手法配合歌仔、動畫及玩偶來講歷史,製作及演員的出色令節目現被捧為最出色的電視劇之一。上年更找喜劇大前輩Steven Fry 作一個精選集,在BBC1成人觀眾電視台播放。


當然,《走過烽火大地》後,無綫再播《瘋狂歷史補習社》確實是值得欣賞,服裝或背景都算是有用心。當中輕輕諷刺時弊就最值得鼓勵。不過,欣賞還欣賞,創意層面或是娛樂層面甚至演技層面,此劇實在垃圾,對白編劇都無聊懶惰,再顯出無綫電視的創意是如何長期在沙漠氣候。我亦不明為何「歴史」如今一定要只懂談中國歴史,香港人視野而家係咪只識滯留在中國?是否已經封閉到咁?仲封閉過大陸。節目最難頂還是找鍾景輝強調什麼要以輕鬆手法教歷史等畫公仔連條腸的筋都畫埋出來,再加上「名咀」講呀媽係女人的旁述,香港電視,不僅當人係白癡,睇得多都真係會變白癡。實在令人傷心。


M83科幻世界,異能力召集

每隔幾年就會有一隊法國冷峰攻陷國際樂壇,早十年八載有Daft Punk, Air,呢幾年M83則終於名氣愈來愈大,新碟【Hurry Up, We’re Dreaming】成功打入各國流行榜外,單曲《Midnight City》更成為一首大hit。

《Midnight City》MV玩異能孩子擁有超能力的故事,十分詭異。新單曲《Reunion》原來係呢個異能人故事的下集,依然詭異神奇,正正配合M83的音樂氣流的質感。


湯與湯,舞鬥舞

這幾天抽到一點時間做一些年尾總結事,順便blog 一下一直想blog但又冇時間blog 的東西…看了Tom Waits 【Bad As Me】單曲《Satisfied》MV後,我只能說今年是Thom and Tom的舞王世界。

哈哈,我講緊係Radiohead 《Lotus Flower》的MV,更個MV其實就好似各自回應,亦係兩個極度好睇但又神經質自我的舞蹈。好睇,去片自己睇。


愛你的《天與地》但別矮化「師奶」

最近在Facebook看到不少人都在大讚無綫《天與地》怎樣破格怎樣出色,說怎樣文藝怎樣令師奶看得一頭霧水,那本人當然被誘惑地去要看看香港的電視界是否有起色了。

坦白說,看到現今為止,我只想對一些在一邊在追捧《天與地》一邊在說什麼師奶看不明的朋友,你地省d 油啦。我明白「憤青」到「偽文藝青年」看到《天與地》又講音樂,又借d講香港感到的安慰,但當佢地將自己地位提高的同時去恥笑什麼師奶睇唔明,我就真係感到不是話兒。

首先,我只能講,面向大眾的電視劇從來都有觀眾target的,即係做出來就有一班target group。你地針對一些target 師奶的電視劇,坦白講無非都係想抬高自己的品味,去表達《天與地》呢套冇咁師奶劇因為唔o岩師奶睇而收視低。well,其實坦白講咁樣做同你去左法國餐廳就覺得自己比去大排檔的人高檔冇乜分別。《天與地》唔針對師奶未就係針對「後生仔」同「偽文藝青年(對唔住,我覺得真正文藝青年係唔會睇TVB)」唔好人地講下一些其實網絡上人人講到爛的「This city is dying」、「香港只有情歌」,提下「woodstock」呢d 字眼你就開心到飛起至得架。你咁興奮無非都係因為你當無綫係一個權威,佢講左出來你覺得好有共鳴,係咪?

收視好唔好如果就咁將佢話因為「師奶睇唔明」就解釋,咁想法未免太天真。我反而想針對返其實不如諗返《天與地》本身的水平仲好。我好坦白講,開波收視低我覺得歸咎頭幾集的《天與地》悶仲實際,與師奶不師奶冇關。頭數集劇情發展得溫溫沌沌,最慘係情節依然係無綫劇集的特色,劇中幾個人總係只生活在果幾個人的世界裏面,我識你咁橋佢又識你咁橋佢又識你果種。至於所謂的「文藝」處理,well,我只能說佢只係比TVB一眾電視劇相對來講少左一d對白外,真係睇唔出有幾文藝。

技術水平來講,我好坦白講呢十年內,even 已達向數碼拍攝年代,無綫在接剪cinematography等等的東西真係冇進步過。最甚的是演員的演技到對白的談吐,真係好生硬冇乜幾個真係演出一場好戲,睇得人好難睇。

再者,再回應「師奶」呢個term。其實labelling 這東西從來都係用來簡化及stereotype的,通常都唔係好野。結左婚的女士簡單來講就已被歸為師奶,大把師奶比你地有品味睇得多戲啦講真,你憑什麼去矮化師奶?

再講,《天與地》唔師奶咩?講真我覺得劇情來講都真係好師奶。首先大把劇情真係婆媽到你唔信,由佢地一晚間化敵為友呢度我覺得個轉捩點仲簡單過d 師奶劇。同埋講到尾套劇一直都只係在舖緊戚​其義最愛的恩怨情仇,食人只係一個plot tool(rip off真人真事Uruguayan Air Force Flight 571變做melodrama,唔係仲師奶咩?),咁又有幾咁唔師奶呀?坦白講,小弟對上一套看的無綫劇集係《溏心風暴之花好月圓》,我覺得在創意技術到好睇層面,師奶劇溏心確實都技高幾籌喎。

即係咁,我只係想講,你鍾意你的《天與地》有你自由,我亦承認響取材方面算係有少少破格,但至於什麼文藝手法呀大膽手法,坦白講,真係over 哂啦。在技術層面,無論係拍攝手法、敘事手法等等,水平依舊在無綫一般水平;故事角色怎樣pretentious,我都覺得無謂講了。我覺得你去反那些無創意針對師奶的電視劇還可以,唔好不斷話師奶睇唔明至得架。師奶,打個比喻,我呀媽睇TVB劇集估劇情叻過你十倍啦,《天與地》有幾複雜?敘事手法有幾複雜真係會令人睇唔明?心照啦。

我覺得反而林若寧的片尾曲歌詞就真係幫左套戲一把就真的。


又一必撈電視汁The Fades萬千元素在一身

都是那句,自從會認真地看電視劇後,便明白電視劇也如電影一樣,美式製作總跌入formula及某些大環境因素影響,要比創意,真的比英劇輸蝕很多。英劇從來都有自己一套的Offbeat英式幽默,那種幽默從來都是英國人獨有的,那些簡單的嘴臉,全部都是在timing及對白方面各方配合的。講到尾,其實又想說最近一套【The Fades】。

The Fades 是以針對年輕觀眾的BBC3的產品,台齡還輕的BBC3之前的出色作品就有Little Britain,Gavin & Stacey
, Being Human,Him and Her及How Not to Live Your Life等等。繼Being Human後,The Fades再次是一套有關神鬼嘗試把傳統神鬼故事再以廿一世紀年輕人角度包裝,怎知結果是哇!我相信The Fades等全個series 1播放完畢後再在網絡世界circulate一陣後,會成為像Being Human一樣另一套international hit。

The Fades是一部集青春劇、科幻、恐怖劇、喜劇、懸疑、神鬼paranormal、殭屍⋯⋯⋯⋯等等元素集一身的犀利電視劇。故事講述一個geek(香港稱的宅男、電車男)的十七歲John是在學校不起眼、被欺凌的男生。不過同時佢又不斷發奇怪的惡夢並會驚到夜晚瀨尿,成為家姐笑柄,同時並能看見鬼魂。起初看似還不是另一套講鬼怪電視劇?對,頭一集確實是令人感到不少顧慮及不肯定的。但我敢說,電視劇一集比一集精彩,故事的野心及膽量一集比一集犀利,很多twsists的同時不是那種讓人覺得為扭而扭的橋,你只會一直感到整個劇本是十分聰明且是真正的being gutsy, reflective, thoughtful and creative。

很多時鬼怪片都會跌入一個trap,就係跌入左果種對抗邪魔的二元關係。當然,近代的鬼怪zombies種類己經明白呢個缺點,所以很多時都會令到角色更活生生,更多人性及角色的陰暗面。但係The Fades就更加將呢個層面鑽入更深的程度,利用角色年輕青春期的設定,將佢的思想行為放落整個故事的發展,令到故事能夠唔係理所當然地進行。當然,點解好睇?同時係因為當中的喜劇元素依然好強,一路緊張之餘一路又有offbeat幽默令你笑,其中第五集的一幕尤其笑死人︰

「My Boyfriend’s dead and you’re a library monitor」

我真係笑翻了。

當然,曽為SKins及This is England 電視版的編劇Jack Thorne應記一功。而喜歡Skins或Misfits 的亦一定要睇,如果Misfits係Skins x Heroes,咁The Fades就直頭係The Skins x the Walking Dead x Misfits x Heroes,哈哈!仲有Skins的演員,第一季飾Chris的Daniela Nardini及黑人笑匠Daniel Kaluuya與及第二季的Naomi Lily Loveless(應該係stage name 掛)擔演。

講多無謂,下星期The Fades第一季就完,好緊張!我敢說,上年電視劇係Sherlock一鳴驚人,今年到The Fades了(今年有另一套好好笑的喜劇,遲下講)。(同時睇完The Waling Dead的第二輯首集,well,真係越來越平庸了,喜歡The Walking Dead的,試下The Fades)

閱讀更多
Have you been watching … The Fades?

From The Fades to Misfits – is youth drama leading the way?