廿四小時，廿四小時可以發生很多事，可以建成一層樓，可以拖倒一層樓；生命可以誕生；生命可以完結。

【Oslo 31 august】，Joachim Trier繼首套電影【Reprise】後沉寂五年的第二部作品，終於面世。這是一個發生在Oslo廿四小時裏面的一個故事。

記得當年看【Reprise】已經讓我看得心情七上八落，那些對青春對理想對人生的描述，很赤裸，亦很真實。想不到，【Oslo 31 august】便更是一套帶有強烈寫實感覺的一套電影。

電影故事很簡單，就是有關三十四歲的Anders是道友，將會走出戒毒所，面對新的生命。Anders並非那些我們認識的典型道友，他不過是一個普通人。對生命有追求，有意見，之前從事報紙的一個人。電影沒交代為何他會染上毒癮。然而，我們卻感受到，他只不過是一個普通人，經歷了人生的低潮。現在他想從低潮中走出來，不過，人生並非如電影或是一個未經歷過相同經歷的人口中所說的簡單容易。

當中，他這樣說，我三十四歲了，要我一切都沒有，重新開始？

【Oslo 31 august】是一部沒花巧的電影，單純用電影最單純——映像的力量來讓你感受電影角色的情緒及氣氛。電影厲害的是他可以用俗套手法來不落俗套表達一些很簡單的感覺及氣氛。這電影，固名思義，是有關Oslo的一天。一天，其實已有一個很symbolic 意思，天是時間的一個重要單位，人生基本上就是一天又一天地過。而Oslo，就更是表達，這不只是關於一個人的事，是Oslo的故事。

Joachim的電影語言很簡單，亦可以說是很學術派，電影都很冷靜，卻在冷靜中有很多細微的東西讓電影變成一部十分哀傷美麗的作品。電影用舊的Oslo城市footage 開端，以2000年Oslo拆倒Philips Building的一幕來開始，當中的指向，已明顯可見。電影其中一個signature 就係在long take 中有很多慢慢在zoom in 的處理(讓我想起Wavelength?!)。電影還利用簡單的剪接，創造了一些很簡單卻很美麗/poetic，令人難忘的畫面。

Well，講咁多，其實係【Oslo 31 august】真係一部好哀愁的電影。它的哀愁是有關城市的哀愁，有關生命的哀愁，有關人與人之間的哀愁。若然想看一部如何可以用幾乎沒有任何happenings 或climax 的電影，只用一些基本conversations 及生活過程便能構成一部這麼令人深刻的電影，那【Oslo 31 august】便是一部好好的示範作。

剛介紹的瑞典女生Veronica Maggio在挪威可以話係在電台日播夜播，成張碟做到既流行仍然保持瑞典indie（好笑在佢係sign Universal的）的個人化情懷。紅到爆的《Jag Kommer》有令人心情亢奮作用。當你看完ＭＶ你便覺得哇，呢個ＭＶ真係完全捕捉了整首歌的態度及情緒。

MV的走不出古怪屋與及細碎的剪接都十分犀利，簡單直接好睇亦能完全將首歌的情緒完全立體化，好睇好睇。

挪威唱作人Lasse Passage首張專輯【IF YOU DON’T HAVE TIME TO COOK, YOU DON’T HAVE TIME TO LIVE 】單是專輯名字已經人嘰嘰笑了。上次的音樂較laid-back，這次反而變得神經兮兮起來。最新單曲《Say Say Say》找來Johanne Birkeland一起唱，Åndheim&Lossuis執導的ＭＶ再一次上演挪威式的家庭暴力，男女打得充滿美感，讓我看得心驚膽跳，只覺creepy。

我從不是巨型製作的支持者，一來通常史詩式電視劇一集片長都特別長，二來傳統敘事手法不是我的一杯茶。可是不得了，睇HBO的超大型製作【Game of Thrones】真係睇到我嘩嘩聲。點解嘩，一來真係好好睇，二來真係好多血腥鏡頭，三來劇情同角色都真係會令你投入到令你嘩當中的情節。

GOT由於係【A Song of Ice and Fire】小說改篇，所以整個電視劇處理都異常誠實及不花巧，全部劇情都有因有果，有前有後。其實某程度上GOT是蠻簡單的，當中存在著典型的好角色與壞角色，像Ned Stark(Sean Bean)就是典型的忠直角色，不貪名利卻愛家人愛國家(若然這是三國誌，那Ned就應是劉備了)。Lannister則是衰到出汁的衰人，壞事做盡，愛權力愛面子記仇。故事之所以好睇係故事完整的世界觀，偏寫實接近中世紀的世界觀其實會讓人想起中世紀的英國及歐洲版圖。雖然世界觀及故事複雜，但係以Stark的幼子被推落樓的plot 為電視劇中心就令成個故事帶動得特別流暢亦易跟。同埋認真的每個角色的個性都十分鮮明及強烈，當然，每個演員的表現真係讚，亦係好睇的原因。

除左呢Ｄ，我亦極速列點以下幾點有趣東西︰
一，女人，女人響GOT的世界是既軟弱亦強大。你可以睇到普遍女人都係被不重視，不是被打便係只係與性有關。其中妓女在劇中特別重要，在GOT世界結婚前就妨似冇戀愛，所以男人都會與妓女扯上關係。

二，飾演Theon Greyjoy的Alfie Allen是Lily Allen的細佬

三， 唔好以為Dothraki語言係亂來或是某一種已有語言，其實 Dothraki是找語言專家去創作的，聽聞接近阿拉伯文。

四，電視劇在零七年已在孕育。

official website

挪威官營電視台NRK一向都好夠膽，當其他商業電視台主打播美國娛樂節目時，佢地就極力做Documentary同買英國同北歐電視節目。仲未夠癲，知道挪威景色靚，由Oslo 奧斯陸到Bergen的八個鐘頭景色靚，所以要將全程景色拍低，再原汁原味在電視播放，八個鐘伴以本土Country music，無添加，無剪接，一集過。仲要注意喎，節目在黃金時間播放，你估好似無綫咁將文化節目放響晨早未起身時間咩。

當之前的火車節目得到「一致好評」後，NRK便決定將另一出名的Hurtigruten(直譯意思係Fast Route)船旅程拍成電視節目。船程由Bergen為起點到Kirkenes到終點，沿著西部海灣到北部海灣接近將整個挪威遊完。好，變成電視節目又係原汁原味播放，好，咁船程幾耐？五個半日，哈哈，一百三十四個鐘，由挪威聽日六月十六日夜晚七點九開始播，播到六月廿二日中午三點五十分，正不正？我就話超正！我要睇足五日半！

當然，大家會問，點解五日半都要叫做「快路」？因為船航響1893年已存在，因為科技發達令到可以行得更快，令以前不可能的任務變成可能咁喎。

我愛(挪威)State Channel！

要總結最近英美電視，我會咁樣總結，美國應是【Game of Thrones】的世界，傳統epic 的中世紀小說改編，故事世界觀複雜到爆炸；英國方面除了【Doctor Who】外，應該係被最新的假Reality TV搶了風頭。這次要講的係玩過反叛青春【Skins】，玩過Nerdy宅男【Inbetweeners】後，E4的另一巨獻【Made in Chelsea】。

有留意英國電視劇的，會知道上年的一套【The Only Way is Essex】突然成了大紅劇集。呢套戲頂癮在係開創了新的一個電劇Genre，有人叫佢做Reality Soap，有人叫佢做Scripted Reality。甚實英國一直仍在Explore Reality show的可能性，估唔到以庸俗到爆炸，講述一班有錢有地位的愛情生活會咁受歡迎。講到尾，其實好多人都係鍾意睇愛情劇，或者係睇當中果種有無限可能性的角色與角色的張力及火花。

或者你仲未知道咩係Scripted Reality show，簡單來講就係搵一班真正存在的人，用佢地真名，用真人當characters，然後搵佢地拍一部有關佢地真實生活的電視劇。Guardians筆者這樣來形容”real people in modified situations, saying unscripted lines but in a structured way.”。就好似【The Only Way is Essex】每集開頭就會嚴正聲明︰胸可能係假，膚色可能係假，但人真係真架。

成件事另一有趣的趨勢係喜歡以地區性的Stereotypes來作出發點。【The Only Way is Essex】係focus 在Essex 的空洞庸俗的Stereotypes。但新的對手【Made in Chelsea】則係以London最富貴最middle class 最有錢最扮野的stereotypes著手，係一班有錢的廿歲出頭的靚仔靚女。

其實呢個新電視genre最過癮的地方係，其實成個show 擺明係假的。將真人變做演員，將假事變做真事。將Documentary及reality show 及drama 放埋一齊，真係好詭異。【Made in Chelsea】更勝前者係因為佢係走高檔專業路線，畫面、Cinematography剪接等都靚而有型格。同埋佢真係同樣唔介意畀人知道呢班有錢年輕人甚至富二代的生活有幾vain。佢神奇在係全套戲其實只係以對話來帶動，但係已經將角色與角色的張力帶出來。可能對話是較容易掌握的演技，所有「演員」都真係十分好戲。成套戲另一弔詭係，佢直頭冇好似Essex咁講明D 人係真或者點，佢將果種做戲同真實混合得簡直係假亦真時真亦假的地步⋯⋯同埋，【Made in Chelsea】其中一signature 就係每個scene 最尾都會留白，影著角色的表情數秒才轉scene ，呢個處理真係好神奇亦將好多emotions或想像空間帶動出來，真係好犀利。

當然，講到尾【Made in Chelsea】真係掌握了大家對高尙生活靚人靚衫靚景的八掛及嚮往。我地鍾意睇人地點有錢，然後又鍾意睇佢地三角戀四角戀或者點樣分手點樣Flirt⋯⋯⋯係，呢套劇真係好vain，但真係拍得好好睇，同埋確實係將呢個新Genre推到了神級的地步。

當然，喜歡再vain 一點，只有sex與酒的朋友，或者可留意Jersey Shore的英國版，在Newcastle拍的Geordie Shore吧。神奇地將紐卡素人變成俗不可耐的派對動物。

挪威的Cold Mailman其實不太冷，與其名字相反，像《Pull yourself together and fall in love with me》不冷之餘音樂是充滿了一陣陽光溫暖的舒服indie pop，或者我會想起瑞典Gothenborg的Day。上年的第二張專輯【Relax; the mountain will come to you】實在是張被忽略的好專輯，平實不多搶眼的東西掩眼法卻十分動人。大碟其中一支單曲《Time is of the essence》突然惹來不少目光，全因其MV。

導演 André Chocron利用住宅建築物的方塊結構及設計，以開燈熄燈來玩了過癮又美麗的方塊遊戲。其實一直覺得城市的夜景本身已十分好看，人影加燈光已是無敵組合，加點twist與智慧要有stunning 的影像絕對不難。當然，MV不是那麼簡單，利用Oslo的近郊住宅大廈，由遠到近，由動到靜，由歌詞到將音樂與音軌visualise都十分好看。請去片。