之前介紹過的加拿大city and colour單曲《Sleeping Sickness》由Vincent Morisset作導演，以全知者的top shot 角度俯視城內各小人物的活動，以一格又一格破碎框架砌成，更有interactive版讓玩家自行zoom in zoom out，像玩sims。

收到朋友send 來麥浚龍的《林民龍》MV，不禁又要說聲有錢大哂，動畫本身做得不是太出眾，然而Art direction 卻做足功課，色調與光度都調得靚靚，香港製作來說確實驚喜，不過，雖然MV 本身出眾，卻與歌本身根本找不到任何配合之處，畫有畫走歌有歌走，有錢大哂，有錢做靚Moving image，但音樂唔識配合，浪費，side 料。

你話偏見又好，憎人富貴厭人窮又好，我就係唔鍾意麥浚龍，有錢人從來在社會都係要受眾夫所指，尤其是出身有錢家族的有錢仔，坐享其成，能夠受眾夫所指是你畢生的幸運，因為証明你係萬中無一的有錢人，所以可以唱片賣唔好繼續唱，長唱長有，獨立廠牌，自家刊物宣傳，然後又可以話自己有品味有心機生意人，其他一樣紅唔起的歌手，出左一兩張唱片就bye bye 左啦，義正詞嚴話人家對你有偏見，不如實實際際諗下自己的待遇因為pure luck 而坐享的家底幫助你自己幾多啦。

廢話一輪，說回正題，然後send 給一班同學仔看，幾位不約而問︰「呢首歌軟硬架嘛？關juno 咩事」，然後相同comment 亦出現「同首歌唔夾」，另一位對動畫研究甚深的J君說︰「我想睇好耐，聽聞話做左六個月」，睇完後就話「六個月可以做得好d 囉，而家ok 啦」，跟手跟我講最近有個animated MV 好好睇，我二話不說即估到係Radiohead的《House of Cards》，由當初第一次經pitchfork介紹，到littleoslo的分享，再由另一位友人推介，今天再由另一位朋友禮尚往來我send juno 佢send radiohead給我，冇法，真係精彩。J同學更叮囑要看making of，話d 儀器好勁，自已睇。

當然，將《House of Cards》與《林民龍》比較是絕對不公平，你亦唔會以為我將佢地比較嘛。

在電台中聽到DJ訪問一名陰聲細氣的樂手訪問，再播出其幾首爽朗的作品，讓我對這位樂手提起興趣，哦，原來是來自Stourbridge的英國樂團The Voluntary Butler Scheme，在MYSPACE試聽了一連串歌曲，都是一樣的輕鬆好聽，秉承著英倫樂團的可口好聽，其中單曲《trading things in》懷舊結他音色中有連打鼓聲與不斷的Hand clapping，再在副歌中以口琴伴托唱出「So I say baby don’t go for anyone」的癡情。單曲即將推出，MV也lo-fi可愛，留意吧。
01 Trading Things In – Voluntary Butler Scheme

我自問沒有點睇過吳大導的大作，亦一向對古裝大片冇乜好感，去睇都係因為與朋友一起去睇下戲傾下計，但想不到收穫喜出望外…一來懶，二來不敢從小人口中去踩前輩，在新聞組看見一些頗是本人心聲的comments，就copy下來。

“RaymondEdmondEdison” wrote in message
news:4879f51f$1@news.3home.net…

真的很差:< 不計合不合理， 演員計，梁朝偉完全不入戲，似在演現代片的靚仔角色， 亦充滿喜劇感… 金城武第一下出來好好 因為未需要演戲，造型同神髓捉到 但慢慢演出來則似d 喜劇中的大臣格， 不行。 琴交心果段，真係拍得好差，冇張力，音樂都可以執好d， 真係拍得好流@@
一諸葛亮同周瑜一齊時，似係輕鬆劇在搞笑多於兩個智雄在賣智，極鬆散…

小喬同梁朝偉關係做到唔係纏綿，而係意淫得來又不到肉，佢地一出現就頗難頂。
張震個造型好似照dub 以前佢d 戲d 造型，佢唔適合carry 孫權，一來太瘦，二來面型等都沒有古代英雄感…
最為滿意算係曹操，趙雲收貨，趙薇其實做得幾好，但對劇本身影響不大。

再講劇情/內容，真係一套笑片囉，關羽初出場真係大笑，三國無雙？
最後八卦陣，大佬，龍珠/幽遊/星矢乜都好，逐個英雄顯功夫都拍得好睇d，
圍緊人無啦啦做乜單刀，張飛仲要係大笑位@@周瑜飛出來有點WTF 感覺…
我完全從呢場戰爭中睇唔到佢地兩個係咁犀利…

再technically speaking，cinematography 真係出奇地差
係咪吳大導冇經驗拍大場面大製作，d tracking shot, camera movement 都好差，
簡直似新手作，唔知邊個幫佢做攝影同cam man，有幾幕仲要有d 似用handy cam的awkward
感@@
d 大場面真係好少可見拍得咁差，大佬請得咁多臨記咁大場面真係好難想像會拍得咁…

套戲最對路的係魏果邊的描述，其他真係好多GAG 位…
我都估唔到吳大導拍左咁耐套，D 手法技巧可以拍成咁

漏左，八卦陣果度果招收人入盾度，都頗好笑，我覺得頗有睇The Saw 果d 機關咁o既感覺@@

仲有，張飛頗有古代中國版Hulk的感覺:P

“傑傑” 撰寫於郵件新聞:4875a70f@news.3home.net…

粗疏得令人失笑……
尾場白鴿飛過戰船的特技竟然有墨攻的水準真的令人汗顏
百萬軍中藏阿豆又係揹背
關二哥mark哥式有青龍掩月刀唔用,一早掉出去插死個茄呢啡,然後搶人地d槍黎用,用完一支掉一支,好有楓林閣況味
張飛赤手空拳殺入陣中唔梗要,但連續兩三個好似李健仁沙灘慢鏡式衝開d矛同撞馬,效果出奇地爆笑
周公瑾練練下兵走去同細路吹蕭,番到黎又幫阿伯捉偷牛賊,然後有人走來話 “難產呀”又即刻走左去…..練兵練得好唔認真…..
你以為小喬難產…?梗唔係,係隻馬難產,跟住諸葛亮一齊黎埋一齊接生馬仔,周瑜,諸葛,小喬一齊幫隻馬改名”萌萌”…..爆笑程度頂班
八掛陣用隻烏龜黎表現唔梗要,唔駛最後dissolve落隻烏龜度掛…..
千軍萬馬,但竟然多次見到陣中將士唔知自己應該點然後拎住支矛前前後後咁行黎行去……..
小喬係全戲最大笑位……佢的演法真係好難頂
梁朝偉完全不在狀態,唔知自己做乜,當然都唔知導演做乜
金城武都唔知自己做乜
曹操本來幾型,但最後竟然一大敗北,為小喬去打東吳唔駛要,唔駛整場咁on居而白痴的場口來說明吧……

又話拍左八億,但比起小一半錢的投明狀好似差好遠咁,場面係大,但完全沒有戰爭情緒,唯一好係將打仗的陣法拍得很清楚……但每個細節都好粗梳,成日見到d老臨響度笑同拎住支槍唔知做乜……..

最後既兩個鏡頭最勁…..套戲本應完,但落左個下回預告,周瑜用個火把仔點著d模型船,然後打出赤壁之戰四個大字,然後再出請看下回……個字體係好肉孫的立體紅字,整個感覺好似八十年代呂良偉的西楚霸王feel….

值得一提,在旺角看,看到八掛陣時,現場觀眾真的如八掛陣般在銀幕前和四處走來走去爭相去廁所,中途有好多人離場,而且笑聲不絕……!!

延伸閱讀︱
《赤壁》Red Cliff —— 吳宇森之死
︱《赤壁》–被美国化的香港电影

從這支《EL INDIO》MV認識西班牙的Facto Delafé y Las Flores Azules。他們是三人組合，意思是一人是Facto一人是Delafé 和一朵藍花(Flores Azules)，已推出了兩張專輯，雖然口裏可能是唱hip-hop，但音樂元素由surf到electronic到rock都有包含，他們唱Hip-hop時一樣會投入一樣會跟著beat 搖動擺舞，但邊個話一定要跟住個beat 去舉倒v 呀果d 姿勢先係hip-hop？最重要是誰說hip-hop一定要是黑人一定要是yo yo yeah yeah check it out 穿著潮童衫扮潮童懶型表面上rebellious….(下刪一萬字)，

佢地o既Hip-Hop是Laid-back是playful是cheerful是充滿力量的，香港與台灣近年都有將hip-hop變得土炮化的罐頭版本，但都是難頂得不得了，可否學學人家怎樣將hip-hop玩得如此pop又如此好聽？一男一女聲的碰撞已經好好聽了。

真心鍾意呢隊西班牙樂團，慢慢再寫，總之他們從音樂到個人的身體performance 都是好好睇/聽，得到不得了。講返呢個《EL INDIO》MV，再睇埋MAKING OF，開心得不得了。

睇到Vampire Weekend的最新單曲《Oxford Comma》的MV，原本諗住係CAP呢個MV的圖，但諗諗下都係冇乜好睇，一TAKE 到底的LONG TAKE 同Tracking shot都不是用得特別好睇，於是搵返上一首《A-Punk》一曲的過癮MV寫一下，以防唔知邊位親朋戚友有走左雞冇聽到呢張今年聲名大噪的Vampire Weekend 同名專輯。Vampire Weekend是一隊簽了英國Label XL Recordings的玩Afro-beat的New Wave樂團，自己睇下啦。

導演︰Louis Leterrier︱國家︰美國︱ 年份︰2008

對於一般香港兒童來說，美國漫畫都有點遙不可及，在買不起的情況下，如果你身邊沒有人會lun美國漫畫的話，你幾乎是沒有可能看到漫畫原著，當然，這些都是沒有internet年代的小孩情況，而我都尚算是沒有internet長大的小孩之一。

只是從電視與打機去認識Marvel的角色的我對他們的認識是少之又少，然而，愛Marvel的漫畫角色是源於內心一些很基本的本質，可能偏愛這些天馬行空的題材，或是源自內心那團還未泯滅的童心，又或是因為色彩鮮明的角色很好看，亦可能因為各個異能人都各有一段經而特別覺得神秘難捉摸，有種想追哂他們的故仔的衝動。當然，又或者可能因為仍然覺得呢個世界確實有呢d故仔存在的，亦相信可能呢d故仔會發生在很近的週圍，甚至是自己身上。

長話短說，先前睇Marvel Studio自己注資自己拍的首部《Iron Man》，今日一下興起睇《The Incredible Hulk》，前者爛gag多多，沒怎樣笑得出來，劇情像四集漫畫拼湊在一起，當然，我都覺得好睇，主要因為電影visualise整件事與ironman都做得好對勁。

然後，《The Incredible Hulk》因有李安的《Hulk》在前，所以可能因為這樣而慳返口氣去追溯Hulk的異變過程，一個靚靚的片頭已經交代得足夠有餘，更見功架。頗明顯地這部的導演Louis Leterrier比起《Iron Man》的導演有功架，以一套荷里活製作來說，進退有道，比起《Iron man》文戲多於打戲，《Hulk》加重觀眾最愛的動作緊張元素，而且，最重要是響細微位玩返些少感情老土元素，成功的，而且都拍得乾淨俐落，難得。

同樣地，與Iron man一樣，Hulk的整個設計都是有心思(不像《Fantastic four》般電影版完全失去了漫畫的神髓)。蠻欣賞將Hulk的綠色tune down了，變得更有真實感，亦不像一塊香口膠。尾段Abomination走上紐約街頭的一幕拍法上更像向《Colverfield》的拍法致敬，見首不見尾像市民的第一視點拍法頗為靈光。

當然，最叫人過癮的是一連串Hulk自己續集的伏筆與及為其他Marvel人物電影的伏筆，Betty的男朋友原來是Dr. Samson，Mr. Blue 其實是Samuel Sterns，滴了幾下Abomination的血，會變咩大家都知了；奸角Emil Blonsky注入來自第二次世界大戰的血清亦為Captain America留下伏筆；Tony Stark的出現更不用說，The Avengers熱切期待。

其實單睇到Marvel自己開始投資製作各個人物的電影，已經萬分期待，Ant-Man、The First Avenger: Captain America 、Doctor Strange …聽到已經流口水了。

不過咁，對荷里活電影，popcorn movie，當然為sheer entertainment，緊張刺激製作認真有心思已經好足夠，情況如聽pop songs一樣，pop 得來pop得好聽好哼便可以，有其本身的functions與定位的。若果是for art’s sake又或是要曲高的，我不相信可以給一班VFX artists去單單為兩三秒的血而花一年時間製作。(來源︰IMDB trivial)

It took the VFX artists over a year to construct a shot where Dr. Banner’s gamma-irradiated blood falls through three factory storeys into a bottle.