What a beautiful piece, 看到這個由Jean Shin創作的作品 “Sound Wave,”時我腦海裏的詞匯只有這幾個，實在簡單而美麗，好鬼poetic。此作品在美國The Museum of Arts and Design裏的2 Columbus Circle名為“Second Lives”的exhibition 展出。

Source

不 過 搞 笑 的 是 司 棋 姐 兩 頭 騰 助 選 ， 她 本 人 卻 不 是 選 民 ， 她 對 本 報 記 者 說 ： 「 自 己 好 可 惜 唔 係 選 民 ， 原 本 諗 住 今 年 登 記 ， 但 唔 得 閒 ， 到 得 閒 陣 又 截 止 。 」 劉 千 石 和 葉 劉 淑 儀 來 自 不 同 政 治 背 景 ， 但 司 棋 姐 兩 邊 都 撐 ， 她 還 說 ： 「 唔 覺 政 見 有 乜 唔 同 ， 劉 千 石 都 有 返 大 陸 。 我 對 政 治 冇 興 趣 ， 朋 友 叫 到 幫 手 咪 幫 手 。 」

取自蘋果日報

今日選舉日，順便貼出。

荷媽呢期紅，在【家好月圓】愛講道理爆金句外，真人亦一樣爆出金句。司棋姐此一句「我 對 政 治 冇 興 趣 ， 朋 友 叫 到 幫 手 咪 幫 手 。」，實在叫我拍案叫絕。從來藝人都只為做世界仔女而不敢得罪人，更會美言幾句以示友好關係，有理無理都撐一餐，盡顯愚昧。而司棋姐這一句，最妙係揭露藝人的空殼內涵與偽善性質並且推到極致外，亦符合其忠厚正義形象，話畀大家聽︰我司棋姐係偽人，但是係誠實得來又醒的一個。

呢年頭公共空間取代左「集體回憶」成為被濫用的詞語，「街頭藝術」亦隨之亦被大幅運用，當時銅鑼灣時代廣場一獲，好戲量曾挪用「time freeze」當自己發明的活動，義正詞嚴好戲量好戲量在將自己名字好好宣傳多於爭取公共空間，亦是「Time freeze」活動中將策劃者角色投射到無限大的先例。這件事使我對好戲量沒多好感，但有趣的是綜合各方好友的表態後，原來沒有一個對好戲量有好感。

行人專用區有雜技有唱歌連商業機構sell寬頻電訊的都不及好戲量黑人憎，諷刺地好戲量是唯一一個在旺角行人專用區被矛頭指向的團體個個只針對好戲量，點解？

「霸正路中心」與及「積極想公眾參與」似乎是黑人憎的主要論點，無他的，藝術尤其是街頭藝術本應不是那麼pushing的，嘩眾取寵是可以，但明顯over了。正所謂有麝自然香，你霸得旺角行人專用區，香港人流最多的地區，若能好好運用，其實絕對比得上幾千萬靚位的海底隧道對出廣告位，亦比得起像容祖兒日以繼夜廣告攻勢的洗腦宣傳方法，但是那種驚死你睇唔到驚死你聽唔到的表演方法，再加上在一直迫到冇朋友的旺角行人專用區正中位置表演，其實同高速公路上放個路障要你兜個迴旋處睇馬戲團表演一樣不合理。想起倫敦的Covent garden的表演風氣，好睇的自然有成街人企定定望住你睇啦，吸引觀眾是靠表演本身而不是只懂搞噱頭吧。

正值立法會選舉搞到滿城風雨，亦令行人專用區性命不保，我本應亦要保持中立說不將好戲量踢走的一番話，踢得好戲量亦代表破壞了公共空間的藝術權利。不過，他們有權表演市民亦有權反對，亦不要因為某人反對好戲量便說香港人保守接受不了藝術扼殺藝術來無限上槓，言論自由嘛，鍾意講乜未講乜囉。

延伸閱讀︰
寄語好戲量

2×1等如2，1+1都等如2，2是很普通的數字，亦是令人看不起的一個數字；33可以是一個大數字，可是對比起十萬九千七卻是一個雞毛蒜皮的數碼；14可以是7的倍數，亦只不過是中國人不喜歡的不祥數字。

不過，將這些數字放在中國羽毛球隊老將張寧身上，則全是化成她幾乎接近傳奇故事的重要細節，兩屆奧運冠軍，首個女單羽毛球運動員成功衛冕，打破最年長進入決賽的女球員年齡，更打破女單冠軍的年齡紀錄，難怪張寧贏到的那一刻激動得像將自己一直以來所付出的艱辛都要由雙眼的淚水一下子發洩出來。

大器晚成是來最常來形容張寧的形容詞，幾乎是2001年26歲左右的張寧才成功擠身上世界排名的頭五名，但00-02年間風頭仍然多被世界排名第一兼世界錦標賽女單冠軍的龔睿那(81年出生)搶過，不過龔睿那韌力則不及張寧，03年世錦賽衛冕失敗敗給張寧後，在03-04年間龔睿那表現亦不如前，在奧運半準決賽中止步，另一邊廂張寧則越戰越勇，殺入決賽擊敗張海麗以29歲高齡奪下女單金獎。

還記得在04年雅典奧運時張寧奪下金牌時已經叫人感動萬分，她當時的「希望能夠繼續打到下屆北京奧運」的一番話更被大家覺得「冇乜可能」，「三十幾歲啦，難d 啦」，「捱到打奧運都未必贏啦」。

誰說？雖然晉級過程崎嶇，但張寧就是這種充滿著鬥志的運動員，看她的比賽枉枉不會讓人失望，那份集中力，令她每一球的質量都保持得極高水準，尤其是在這屆08奧運決賽，當又有不少人相信謝杏芳能夠在3局的持久戰中贏倒張寧的時候，張寧反之然表現得毫無倦意，在每球都打得強硬勾鑽的情況下迫得謝杏芳頻頻出錯，最後在第三局以21對18奪得這面得來不易的獎牌。

當然，掌心係肉掌背都係肉，張寧33求衛冕之時謝杏芳亦已年屆27，今屆失敗下屆便很可能無緣奧運。不過，比賽証明確實張寧技高一籌，極度專注的眼神放出的堅定意志，讓張寧意外拿下這金牌，因為賽後張寧訪問中也透露其實入到決賽她已經很滿足，這場賽事只是令她的體育生涯完滿地畫上句號。

我一直覺得其實運動員最讓人敬佩學習的，不是他如何的天資驚人，體質異品，而是他在漫長的運動生涯中表現出堅定的信念與態度，讓他不斷創造出出色的成績，張寧便是令人佩服得五體投地的出色運動員。運動員也是人，有血有肉、經歷有質感的才易得人尊重欣賞，小說角色電影主角亦然，其實係世間大道理。

真的替張寧感到十萬個高興。

記得上年與大學同學三五成群一起上廣州睇NOTCH北歐音樂節，又吃又喝又玩，音樂會也令本人開心死。今年我們不用上廣州了，香港將會是其中一站，開心得跳起呀，到時一齊睇啦。

收到朋友send 來麥浚龍的《林民龍》MV，不禁又要說聲有錢大哂，動畫本身做得不是太出眾，然而Art direction 卻做足功課，色調與光度都調得靚靚，香港製作來說確實驚喜，不過，雖然MV 本身出眾，卻與歌本身根本找不到任何配合之處，畫有畫走歌有歌走，有錢大哂，有錢做靚Moving image，但音樂唔識配合，浪費，side 料。

你話偏見又好，憎人富貴厭人窮又好，我就係唔鍾意麥浚龍，有錢人從來在社會都係要受眾夫所指，尤其是出身有錢家族的有錢仔，坐享其成，能夠受眾夫所指是你畢生的幸運，因為証明你係萬中無一的有錢人，所以可以唱片賣唔好繼續唱，長唱長有，獨立廠牌，自家刊物宣傳，然後又可以話自己有品味有心機生意人，其他一樣紅唔起的歌手，出左一兩張唱片就bye bye 左啦，義正詞嚴話人家對你有偏見，不如實實際際諗下自己的待遇因為pure luck 而坐享的家底幫助你自己幾多啦。

廢話一輪，說回正題，然後send 給一班同學仔看，幾位不約而問︰「呢首歌軟硬架嘛？關juno 咩事」，然後相同comment 亦出現「同首歌唔夾」，另一位對動畫研究甚深的J君說︰「我想睇好耐，聽聞話做左六個月」，睇完後就話「六個月可以做得好d 囉，而家ok 啦」，跟手跟我講最近有個animated MV 好好睇，我二話不說即估到係Radiohead的《House of Cards》，由當初第一次經pitchfork介紹，到littleoslo的分享，再由另一位友人推介，今天再由另一位朋友禮尚往來我send juno 佢send radiohead給我，冇法，真係精彩。J同學更叮囑要看making of，話d 儀器好勁，自已睇。

當然，將《House of Cards》與《林民龍》比較是絕對不公平，你亦唔會以為我將佢地比較嘛。

認識Chase，讓我感動得比起看那些那些俗套煽情的電影千倍，我不知說什麼，亦不想長篇大論，但是Chase這隻貓，確實讓我看到生命力的頑強與及人性的美麗一面。

呢個世界已經變得太恐怖，主流思想中人的目標只有要靚同要錢，當電視上只容得下那些濃妝艷抹的所謂俊男靚女之時，街邊的乞丐、那些在街上染上皮膚病怪病殘障的異族是不會可能在純潔的電視上出現的。我們好像習慣了「美好」的東西，面對不好的，我們選擇不去看，看到的，都扮看不到，是呀，呢個世界好多人好慘，你理到人咁多？又或者更恐怖的，車，呢個人好慘咩，大把仲慘啦。這是香港電視的傳統，也成了我們的基本概念，是嗎。

當然，叫我們這些人生一直在追求要過著穿上滿身名牌的奢華人生的人，買不到一個名牌買唔到一款公仔波鞋皮膚敏感一下肥左一d同人口角一下是好大件事的。人家的事，邊理得咁多？

唉，只願人如能貓般堅強。亦希望呢個世界有Chase媽媽這般美麗的人。

小 貓 「 蔡 絲 」 （ Chase ） 4 周 大 的 時 候 遇 上 車 禍 ， 嚴 重 毀 容 ，但 這 隻 「 無 面 貓 」 性 格 開 朗 又 友 善 ， 獲 邀 成 為 動 物 大 使 ，到 學 校 和 醫 院 探 望 傷 殘 人 士 ， 助 他 們 重 拾 自 信 ， 還 「 撰 」 網 誌 （ http://chasenoface.blogspot.com ） ， 廣 交 各 地 朋 友 。

現 年 3 歲 的 蔡 絲 沒 鼻 子 、 眼 瞼 和 臉 皮 ， 看 似 沒 臉 孔 ， 更 失 去 腿 。 幸 好 在 美 國 肯 塔 基 州 一 間 動 物 醫 院 任 技 術 員 的 主 人 樣 疼 愛 牠 ， 讓 牠 擔 任 動 物 大 使 幫 助 人 類 ， 還 幫 牠 設 網 ， 以 蔡 絲 的 角 度 記 下 日 常 生 活 。

蔡 絲 在 網 誌 「 寫 」 道 ： 「 雖 然 我 樣 子 與 別 不 同 ， 但 我 一 點 不 痛 ！ 我 視 力 很 棒 ， 最 愛 捉 蒼 蠅 和 蟋 蟀 。 」 牠 「 說 」 希 幫 人 類 明 白 就 算 身 體 殘 缺 也 可 以 過 得 快 樂 。 網 誌 上 還 有 絲 跟 家 中 貓 、 狗 夥 伴 和 主 人 玩 耍 ， 以 及 去 做 訪 問 的 照 。 網 誌 至 今 有 超 過 36,000 人 次 到 訪 。

英 國 《 每 日 電 訊 報 》