Paul Mccarthy 咁樣係咪屎?

paulmccarthy

看著西九的那堆屎由被鬧爆到真係爆開,竟然不足四十八小時,實在神奇。

其實社會大眾鬧爆堆屎,其實根本是預設反應,大眾不會喜歡一堆屎,亦因為大眾對政府慶過火屎,根本就預設畀人鬧的。大眾鬧是良好反應,只不過我則真心覺得這舊由我喜歡的Paul Mccarthy 做的這堆充氣屎,確實有點屎。

屎,是Curation屎,因為這件事out of context了。喜歡Paul Mccarthy 的東西從來是因為他的作品夠provocative, 將一些不尋常的東西放在很尋常的setting 或是反之亦然。其經典作品是那段錄象,他如何糟質自己,戴著拳套不斷打自己;以茄汁埋單,塗上身以及性器官上,這不是因為做這些東西很藝術,而是這些東西在整個觀看的歴程中,是整個不尋常的尋常體現。

將一舊巨型屎放在一大片爛地上,就是屎。整個作品沒有了context 。一個草地上有「一舊屎」,何其正常?有一舊大屎,不是什麼智慧東西,只是會讓人覺得,哇,邊隻狗痾了這麼一堆大狗屎。這個作品一定要放在公眾空間,才有意思的;放近一點在側邊的高樓大廈旁邊,整個意思就不一樣了吧?就像對面海的那隻鴨,就是簡單地玩了scale 了。

屎爆了就是一灘屎。我反而覺得最好笑的是一眾寫字人甚至寫藝術的人都要加入這堆屎是否藝術的討論。問是不是藝術的香港人,讓我想起那些跟人家見過一兩次面的少女,回到家,睡不著,愁眉苦臉,七上八下,傻豬地問「咁樣係咪愛?」的畫面。

唔識Paul Mccarthy? 睇睇訪問


六十年代的香港,與世無爭嗎?

hkinthe60s

我想,六十年代的香港即使沒有ICAC社會還沒有那麼繁榮,但至少比起現在的香港來得美麗吧?

Hong Kong In The 60s,是來自英國的一隊三人組合,利用六七十年代的lo-fi音效打造舒適夢幻的電子小品,那些與世無爭的旋律啊,是不是叫我們真的要回到舊香港才能尋找美好?


香港政治界支那小醜,how can I take them seriously?

所謂的愛國人士通常都好有趣,口裏說愛國,卻又因有外國護照及外國學歷感到特別優越;明明要強調國民身份認同,又要突然轉channel講一口洋話特別自我良好,覺得好威威。

這些愛國人士都有個幾個共通點,第一就是虛偽無恥(Hypocritical),明明以外國東西而感到優越又偏偏要平民百姓無緣接受國際資訊,令自己的優越特權化。第二就是厚顏無恥(shameless),即係唔知醜,明明一口爛英文發音不準有超核突口音,仍然要以自己的爛英文為自豪,跟人說英文,真係好鬼醜。最後一個共通點,就係呢班人不學無術,獲學位但冇內容,跟他說道理,他只不過會是一個毫無文化的維園阿伯式謾罵,根本連基本莊重場合都配不上,但偏偏這些無恥之徒,只懂擦鞋的crooks覇滿立法會,你根本不能take them seriously,你話香港有幾悲哀?

澳洲人聽到佢的爛英文,仲話自己住左廿年澳洲呀,一定笑佢係fucking stupid chink,在背後偷偷地恥笑佢呢個冇文化的支那人。


邏輯問題︰示威者與逝世警員

有時,坦白講,我真係唔明好多香港人個腦諗咩,又或者佢地用咩野思維去諗野,又會令我諗究竟係我有問題定佢地有問題。示威者上天橋示威,辦工警員因為失足跌死,其實顯然當中係冇因果關係,失足擺明係意外,點解會搞到要話示威者搞事累死警員?慘劇還慘劇,道理還道理哇。

講logic,好,當然,我明白Facebook的【沉重哀悼墜橋殉職警長 強烈譴責陳偉業癲倒是非】的Logic,因為陳偉業都用了一個幾乎冇Logic的遺責︰「人民力量陳偉業表示,周一嶽如果肯與該名示威男子見面,警員失足墮橋的慘劇可避免。」見示威者->冇示威->警員唔會死。好似合理,但其實唔合理,因為都係冇直接因果關係。所以癲倒是非的朋友,用同一個幾乎係莫須有原則,冇陳偉業幫示威者->冇示威->冇人死,可以叫做以牙還牙,卑鄙鬥下流,愚昧鬥無知。

撇除任何政府社會因素,其實問題好簡單,亦有人已提出了,警員的失足好明顯係冇安全措拖之過。要反思的,應該係點解爬高爬低我地的尊敬警員沒有任何保護。係咪?

其實意外係冇任何因果關係,即係你不會因為消防員因為救火殉職而話引起火警的人係殺人犯害人精。當然,暗訝底,我們明白的,警察是無需要危害自己條命去保護市民,好似八號風球到海灘游水而又浸親的人,我是贊成警察係唔需要救的。每個人都有呢D(不)文明人道諗法,呢D就真係價值觀問題,意見分岐的話講多十年都冇結果的了。若然你係認為市民唔應該示威唔應該做「危險」行動的,咁你有你睇法,我吹你唔脹,但唔好將警員意外逝世變為示威者要負上全部責任。(當然,當你係死者家屬又或是示威當事人,又或是好投入好感情用事去睇呢件事,我明白有人會將責任推上示威者身上。無可否認,示威者係事件的「起源」。但呢類不盡合理的「內疚」或「怨恨」,除了係當事人因為突然的巨大情感而變成合理化外,事外人,用邏輯諗的話,就真係唔該唔好一樣感情用事亂去指責。)

你都唔會因為食飯啃親就話飯係邪惡以後唔吃飯繼而遣責叫你食飯的呀媽或老婆啦?


愛工作,要罷工

這天在挪威大家都瘋狂地在提款機提錢,這是我第一次見到挪威的提款機有近十人在排隊。點解?因為聽日起銀行罷工。

每個國家都會有某些生字是缺乏了的。在香港,擺明就是罷工是消失了。除了的士司機會偶爾慢駛,航空公司偶爾會罷工外,真正的罷工真是少之又少。當然,我不是說香港要有法國的瘋狂罷工風氣,但西方國家的罷工概念,香港真是需要學識的,尤其是香港這一個打工文化屬於病態的地方,尤其是香港這一個老闆大哂大家都驚冇左份工的社會,尤其係香港這一個很多打工仔都打得不高興的地方。

我們需要公平待遇。總覺得,香港的窮人打工階層,是需要有罷工等措施與強權資本主義抗衡的。


仍然要寫,得人驚香港思想

原本已不打算再理此事,但在沖涼時仍然在為這件事感到懊惱,所以決定唔可以畀一班思想極度可怕的人佔據言論,要在這裡一次過打出自己的想法。

其實對於此事,叫我感到可怕的要素有很多,我逐一列點︰

1.所謂的「苦主」口口聲聲說要為免再有受害者所以才會有如此行動,但是我唔明白點解所謂的「為人民造福」的行動需要將人家的電話、電郵及背景等資料公諸於世。究竟係報復心態要發洩心頭憤定係為人民造福,自己知。

然後那些口口聲聲話同情苦主的人,話你唔係受害者梗係咁講的人,我真心覺得好笑,你結婚時就算請夏永康來影,佢都一樣有機會撻Q影唔到你滿意。意思即係既然咁重要,一來你就唔好那西,做到確保成件事work令自己放心;二來影相結婚相呢d 咁繁忙咁多野影的隨意相裏面,你要穩陣capture哂所有野,唔該唔好只搵一個來影相,呢d 係common sense,我相信係。

2.香港所謂的「消費者至上」的心態已經去到一個可怕的地步。原來之前趙燕萍事件仍然未有叫大家汲取教訓,仍然係本著我畀左錢你做唔好你就死畀我睇的地步。再諗返,我諗響餐廳度食十幾蚊一碗麵因為侍應做錯一樣野而鬧到人狗血淋頭的情境,係咪香港獨有?

「消費者至上」就令到大家覺得可以公開一個人的身份聯絡方法,真係可怕。更可笑的是有人堅持咁樣同openrice冇分別,佢地一樣打開門做生意。係呀,你自己都識講打開門做生意,餐廳舖頭任何有組織的「店舖」概念的單位都叫做打開門做你生意,但做freelance的好多都係閂埋門做生意,由人介紹或者只係ad hoc 的,個人資料任何時候都係冇必要畀全世界人知。你有權公開事件再作批評,但冇權將人地資料電話學校背景公諸於世,再作vigilante利用人地身份行私刑。

諗返其實而家咁多顧客都咁恐怖,各「service provider」其實也要自保,不如搞個openrice 咁o既archive式網頁,等d 各freelance 又好乜野都好,將一d 難頂顧客資料公開,集合各難頂customers資料,畀人評級。但最緊要係一定要有相同電話再加上資料背景,唔係其他freelance 或舖頭認唔到佢唔可以唔做佢生意架!

做個freelance o既人都知有d 客幾難頂啦,多多要求,當你生神仙,影結婚相為例,以為你一個人帶十萬樣架生,又要影外景又要影室內又唔同人講明,結婚咁重要,你影唔到我滿意o既我未鬧爆你爆你大獲要全世界人替我可憐!

係咪要咁?

3.睇人仆街,或者即係食生花呢d 野都係大家而家最鍾意響網上做o既野,但呢d 私刑公審存在著一個最大問題就係事主個版本究竟同真實版本其實可以有好大分別。

究竟有幾多人真係用心諗過呢d事?呢d 所謂苦主故事,佢講o既版本同成件事o既版本有幾成真係故事幾多成,大家知幾多?佢淨係話人地態度唔好但佢自己態度其實又係點?

要引大家食生花去一齊討伐一個人,真係唔係難事。

若然只係一個稍有良知及稍有知識水平及腦袋的,我真係諗唔到點解會用一d 咁樣o既手法去所謂為人民服務等人唔好再搵佢影結婚相;亦諗唔到點解會有人唔質疑點解苦主只係post 幾張相而唔將成個album公諸於世等大家認真客觀咁去狠評呢位咁差o既攝影師。以偏概全,再引導大家去可憐苦主,將人地身份公開再搞大件事,呢d 同唱衰冇分別。

4. 係,唱衰,最叫人可怕的是一班人可以如此積極去「唱衰」另一個人。唱衰一直在媒體裏都是八婆或潑婦及師奶的專利,是典型的stereotype。你諗返tvb 劇集d 八婆師奶講「你咁樣我要唱衰你呀」果時個黑人憎嘴臉,真係好討厭。

在舊年代唱衰係,以訛傳訛威力已經大得不得了,到今日網絡時代要唱衰一個人真係話都冇咁易,最得人驚係以前都真係唱衰人o者,而家搞到係你要將人地身份電話背景公開,要搞到全世界人都知呢件事為止,等果個人畀人響討論區拎祖宗十八代出來品評然後畀人打電話騷擾收email騷擾奚落,最毒真係婦人心。

最後要加返,我絕對唔係要撐邊個要幫邊個,只係根本成件事個出發點已有問題,你要公開件事,唔係咁樣公開的。人地再錯,唔代表你可以用網上暴力的。以暴易暴然後向全世界講自己好可憐呀,又叫人點同情你?