Euro2008之二 瑞士對土耳其

我其實對呢場賽事冇乜興趣,兩隊A組首場輸波的球隊,誰再輸便可以say bye bye。但係,咁橋吃lunch時開now又正在播下半場,咁就睇左成個下半場。

我是由瑞士領先一球1:0下半場的情況睇的,弔詭的是,其實我早已經響網上睇左兩隊賽果,知道是土耳其贏2比1了,但當坐低睇耐左,發覺其實兩隊實力與形勢都不相伯仲,但係,尾段明顯瑞士開始佔有優勢,同埋我開始比瑞士的拼勁與落力感動,當土耳其先攀平1比1之時,便開始不斷等最後一粒幾時出現,越等越唔對路,70分鐘未出現,80分鐘未出現,90分鐘都未出現,唔係咁邪補時比人入呀嘛,定我記錯左個紀錄?

果然,當瑞士有一球真係爭dd就入都唔入,已經証明佢地真係冇運,補時臨完場兩分鐘,入了。東道主瑞士出局,慘。

下場土耳奇對捷克,精彩了,吃住花生等睇。


Euro 2008 開波+精選

我睇波的頻率係兩年一次,世界盃同歐洲國家盃,聯賽基本上不會怎看,所以適逢2008年歐洲國家盃我又開始投入睇波了。

記起四年前的歐洲國家盃是我考完高考的時候,意大利遇上那個變態球証而輸波出局更係我生日果日,所以我特別有印象。事隔四年,人老了,對這藍衣球隊熱情不再,反而為不同的國家默默打氣,替德國打氣因為喜歡上德國這地方,替俄羅斯打氣是因為看到他們對西班牙的落力,替意大利與克羅地亞打氣是因為前者的藍仍然是我喜歡的藍,後者的新球衣的藍配格仔又是讓我讚不絕口,當然,替瑞典打氣是我對北歐的盲目鍾愛。

其實對瑞典國家隊是有點矛盾心態的,因為黃色委實是我最頂唔順的顏色。兩年前世界盃之時身在挪威,也記起當時挪威人也一片捧瑞典熱,穿上瑞典球衣在戶外集體打氣。然而,從馬會那本教育性極豐富的euro2008刊集得知原來瑞典在近戰中沒有一次贏過希臘,對上一次得勝已經是1920年了。這讓我燃起對瑞典的絕對支持,鋤強扶弱是我。

哇哈哈,看到瑞典原來在奧地利Salzburg這個美麗地方踢呢場波,特別興奮,因為當年就是與愛麗絲蒲公英同遊此地,確實是美麗得如童話。再看到甚有大將之風的Ibrahimovic為瑞典破蛋,我更開心得跳起。入多粒,更要跳起yeah 了。看到黃色人海,更覺瑞典的黃也頗可愛。

在euro2008的官網中,Canon大大個字的Gallery也要一讚,相靚是必然的,但今次個design好得很,看相看得開心得很。

呢場大戰更令我贏左十二蚊。