之前介紹過的加拿大city and colour單曲《Sleeping Sickness》由Vincent Morisset作導演，以全知者的top shot 角度俯視城內各小人物的活動，以一格又一格破碎框架砌成，更有interactive版讓玩家自行zoom in zoom out，像玩sims。

收到朋友send 來麥浚龍的《林民龍》MV，不禁又要說聲有錢大哂，動畫本身做得不是太出眾，然而Art direction 卻做足功課，色調與光度都調得靚靚，香港製作來說確實驚喜，不過，雖然MV 本身出眾，卻與歌本身根本找不到任何配合之處，畫有畫走歌有歌走，有錢大哂，有錢做靚Moving image，但音樂唔識配合，浪費，side 料。

你話偏見又好，憎人富貴厭人窮又好，我就係唔鍾意麥浚龍，有錢人從來在社會都係要受眾夫所指，尤其是出身有錢家族的有錢仔，坐享其成，能夠受眾夫所指是你畢生的幸運，因為証明你係萬中無一的有錢人，所以可以唱片賣唔好繼續唱，長唱長有，獨立廠牌，自家刊物宣傳，然後又可以話自己有品味有心機生意人，其他一樣紅唔起的歌手，出左一兩張唱片就bye bye 左啦，義正詞嚴話人家對你有偏見，不如實實際際諗下自己的待遇因為pure luck 而坐享的家底幫助你自己幾多啦。

廢話一輪，說回正題，然後send 給一班同學仔看，幾位不約而問︰「呢首歌軟硬架嘛？關juno 咩事」，然後相同comment 亦出現「同首歌唔夾」，另一位對動畫研究甚深的J君說︰「我想睇好耐，聽聞話做左六個月」，睇完後就話「六個月可以做得好d 囉，而家ok 啦」，跟手跟我講最近有個animated MV 好好睇，我二話不說即估到係Radiohead的《House of Cards》，由當初第一次經pitchfork介紹，到littleoslo的分享，再由另一位友人推介，今天再由另一位朋友禮尚往來我send juno 佢send radiohead給我，冇法，真係精彩。J同學更叮囑要看making of，話d 儀器好勁，自已睇。

當然，將《House of Cards》與《林民龍》比較是絕對不公平，你亦唔會以為我將佢地比較嘛。

在電台中聽到DJ訪問一名陰聲細氣的樂手訪問，再播出其幾首爽朗的作品，讓我對這位樂手提起興趣，哦，原來是來自Stourbridge的英國樂團The Voluntary Butler Scheme，在MYSPACE試聽了一連串歌曲，都是一樣的輕鬆好聽，秉承著英倫樂團的可口好聽，其中單曲《trading things in》懷舊結他音色中有連打鼓聲與不斷的Hand clapping，再在副歌中以口琴伴托唱出「So I say baby don’t go for anyone」的癡情。單曲即將推出，MV也lo-fi可愛，留意吧。
01 Trading Things In – Voluntary Butler Scheme

瑞典Hybris 的Familijen 一直都是頗為神經質的，意思是指他推出singles的時間蠻隨意，幾乎沒有full length album的概念，但慶幸每一首的electro pop都玩得好玩。這支single《Nu händer det igen》意思指「Now, it happens again」，可能因為這名字之故，由SCHWATS作導演的MV便利用「除褲」的情節重覆了五次。用力除男人褲，你可能會覺得好無聊，同d 無聊低下搞笑節目無疑，係喎，但呢個MV為的不是好笑，而是捉緊了「除褲」那一刻的dynamics，那一下無情的bouncing，再配以歌曲的巡巡電音，再加SLOW Motion定格了那些動作，你可以想像畫面是多麼spectacular，聰明玩味的MV。

Familjen – Nu Händer Det Igen from satelite on Vimeo.

昨天(呢個post已經係一年前寫好的，但save了做draft，今日拎返出來@@)整理唱片，正好整理好王菲【只愛陌生人】專輯，然後坐在沙發前小休，MTV台巧合地播放由SUSIE AU作導演的《只愛陌生人》MV。

1999年王菲的《只愛陌生人》其實是翻唱1998年張亞東【Ya Tung】專輯的《只愛陌生人》(收聽張亞東版本)，王菲版本編曲基本九成一樣，不過在細微處得到收改，原版是在電子輕快編曲下，經張亞東低沉的聲音及像從深幽的山谷吹出來的低聲回音的男和音，產生弔詭的糜爛。

事實是，張亞東親口在訪問說因為與林夕缺乏溝通，所以林夕在其專輯內填的歌詞不太切合他的想法。也許，這樣便正是從王菲口中再唱出這首像喝著檸檬梳打般清爽涼快，甜而不膩，涼快得乾淨俐落的作品。

王菲的嗓子本身就是甜，不用賣弄輕輕吟唱就是甜美。1998年的林夕，填下的這份歌詞，率性得來，卻用靜的映像襯出生動人性的畫面，好像很玄，其實都是愛的道理。

我也喜歡Susie Au的這個MV，用了倫敦旅遊footage加上香港的巴士與及茶餐廳的實景拍攝，回歸早期電影的lo-fi空間處理，利用剪接，晃一晃，眨一眨，便轉換了場境。

只愛陌生人
作曲︰張亞東
填詞︰林夕
編曲︰張亞東
監製︰張亞東

我愛上一道疤痕　我愛上一盞燈
我愛傾聽　轉動的秒針　不愛其他傳聞
我愛的比臉色還單純　比寵物還天真
當我需要的只是一個吻　就給我一個吻
我只愛陌生人　我只愛陌生人

我愛上某一個人　愛某一種體溫
喜歡看某一種眼神　不愛其他可能

從這支《EL INDIO》MV認識西班牙的Facto Delafé y Las Flores Azules。他們是三人組合，意思是一人是Facto一人是Delafé 和一朵藍花(Flores Azules)，已推出了兩張專輯，雖然口裏可能是唱hip-hop，但音樂元素由surf到electronic到rock都有包含，他們唱Hip-hop時一樣會投入一樣會跟著beat 搖動擺舞，但邊個話一定要跟住個beat 去舉倒v 呀果d 姿勢先係hip-hop？最重要是誰說hip-hop一定要是黑人一定要是yo yo yeah yeah check it out 穿著潮童衫扮潮童懶型表面上rebellious….(下刪一萬字)，

佢地o既Hip-Hop是Laid-back是playful是cheerful是充滿力量的，香港與台灣近年都有將hip-hop變得土炮化的罐頭版本，但都是難頂得不得了，可否學學人家怎樣將hip-hop玩得如此pop又如此好聽？一男一女聲的碰撞已經好好聽了。

真心鍾意呢隊西班牙樂團，慢慢再寫，總之他們從音樂到個人的身體performance 都是好好睇/聽，得到不得了。講返呢個《EL INDIO》MV，再睇埋MAKING OF，開心得不得了。

睇到Vampire Weekend的最新單曲《Oxford Comma》的MV，原本諗住係CAP呢個MV的圖，但諗諗下都係冇乜好睇，一TAKE 到底的LONG TAKE 同Tracking shot都不是用得特別好睇，於是搵返上一首《A-Punk》一曲的過癮MV寫一下，以防唔知邊位親朋戚友有走左雞冇聽到呢張今年聲名大噪的Vampire Weekend 同名專輯。Vampire Weekend是一隊簽了英國Label XL Recordings的玩Afro-beat的New Wave樂團，自己睇下啦。