Wall-Eeeeeeeee~~~好睇到哭

帶著異常期待的心情去看《Wall-E》,結果亦異常滿足的離場,很難得。

我覺得以《Wall-E》的片尾曲Peter Gabriel的《Down to Earth》來形容最貼切不過,將一切東西都down to earth,故事除了設定外,敘述上情節上都是回到最basic,沒有對白的頭段便最具代表性,以映象、音樂、細節及Wall-E的動作來交待,往後情節上的發展都是簡單直接,不花巧地說故事。

當然,《Wall-E》最好睇的地方,除了以上原因外,設定上的細微細眼先係最強的地方,將小強這個污糟討厭的生物化為有人性的寵物一樣,已經夠顛倒,然後Wall-E在拾垃圾時追尋的那些小物件,都是懷舊的小玩意,RUBIK CUBE、atari的pong,燈膽…試想一下,一個寂寞的機械人在一個廢棄的地球,Wall-E追尋的其實是「人情味」,是最令人覺得幽默窩心的地方,細微細眼的位置是,他發現鑽石戒指盒,要的是盒而不是鑽戒,Wall-E好睇在就是好多細微細眼的人情味,而又令你莞爾一笑,再而感動。

當然,最讓人看得津津樂道是這個天真可愛的Wall-E,一個單純爛漫的機械人,他與Eve的愛情更是真摯而可愛,亦是電影最犀利的地方,講真,如果電影不是以兩個機械人與及Wall-E這麼單純討好的機械人來發展這條愛情線的,你肯定會批評這電影橋段俗套老套好唔掂,但當整個設定與包裝都如此精心的時候,便令這段愛情反過來非常感動,全是俗套的劇情,卻拍得率真雋永,是magic囉。

電影還有很多令人細味的地方與訊息,將人類化為豬呀,科技先進的毒害呀,提倡果d自私自利的pk政府去搞環保呀,好多野講的,卻沒有三幅被的講出來,又是出色之處。其實你單睇最後出credits 果度都整到咁靚就知呢部戲幾有心,利利人更提醒原來credits的畫風是跟據art history的時序,有以art 來像徵人類文明的意味,最尾更有豬變返做人的瘦人。總之,《Wall-E》真是一套好睇到哭的電影,不過事先聲明,我相信要覺得呢套戲好好睇的人,都要帶著一定的童心的。

題外話,電影令我諗起我中五會考時英文作文的一篇有關講機械化的我見的文章,我當時也寫了類似人類會懶到成隻豬咁,行步路都唔行,最後是機械is watching us outside a cage 之類。


5 Responses to “Wall-Eeeeeeeee~~~好睇到哭”

  1. 明週話呢套係佢地十年黎寫既影評入面評價最高既一套
    我一向睇套都拎住呢本野黎做指標…

    所以今日入左場
    哈哈,原來係套愛情喜劇,覺得最後sad ending會好好多
    但都差唔多係我睇過最浪漫的電影
    估唔到係發生係兩個機械人身上

    Pixar最厲害之處就係小朋友睇到係一樣野,
    而大人睇到既又係另一樣野

  2. 陳大文

    POP

    「哈哈,原來係套愛情喜劇,覺得最後sad ending會好好多

    我諗唔sad ending 係因為想個message 同態度要positive
    就好似佢地想講個地球係會有希望一樣

    「但都差唔多係我睇過最浪漫的電影」

    我認同
    係我睇過最感動的愛情戲

  3. Karvitz

    我都好喜歡套戲。

    但我都覺得 sad ending 個感受會仲來得更深刻。
    呢套戲其實有好多反思,除了環保這個大題目外,「愛情」呢一點我都睇得好重。

    一夥寂寞的心,恨戀愛到出晒面,點知真係遇到一個,把自己最愛的都搬出來氹佢開心,好簡單好舒服,亦都好感動。

    但我懷疑,對呢種情懷有感的,大抵可能都係情路受過傷的………. XD

Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>